چیف سیکرٹری کی ڈینگی سے نمٹنے کیلئے تیاریاں پیشگی مکمل کرنے کی ہدایت
ڈینگی کے مکمل خاتمے کیلئے محنت اور جذبے سے کام کرنا ہوگا،خضر حیات گوندل کا اجلاس سے خطاب
پیر 11 جنوری 2016 21:14
لاہور (اُردو پوائنٹ اخبارتازہ ترین - آئی این پی۔11 جنوری۔2016ء) چیف سیکرٹری پنجاب خضر حیات گوندل نے ہدایت کی ہے کہ ڈینگی سے نمٹنے کیلئے تمام تیاریاں پیشگی مکمل کر لی جائیں۔انسداد ڈینگی کے حوالے سے جاری ہدایات پر عملدرآمد ہر صورت یقینی بنایاجائے اور ویکٹر سرویلنس اور دیگر سرگرمیوں کو بھرپور طریقے سے جاری رکھا جائے۔وہ آج یہاں سول سیکرٹریٹ میں انسداد ڈینگی کے حوالے سے اجلاس کی صدارت کر رہے تھے۔
اجلاس سے خطاب کرتے ہوئے چیف سیکرٹری نے کہا کہ ڈینگی کے خاتمے کیلئے مسلسل کوششوں کی ضرورت ہے۔بہتر منصوبہ بندی اور مربوط کوششوں سے اس مرض پر قابو پایا جاسکتا ہے۔ انہوں نے کہاکہ ڈینگی کے مکمل خاتمے کیلئے محنت اور جذبے سے کام کرناہوگا۔ انہوں نے کہاکہ ڈینگی پر قابو پانے کیلئے عوام کا تعاون نہایت اہمیت کا حامل ہے۔(جاری ہے)
انسداد ڈینگی کے حوالے سے عوام میں آگاہی کو بڑھایا جائے اور اس سلسلے میں تمام محکمے فعال کردار ادا کریں۔
چیف سیکرٹری نے راولپنڈی اور ملتان کے ڈی سی اوز کو ہدایت کی کہ گذشتہ برس کے تجربے کو مدنظر رکھتے ہوئے ڈینگی سے نمٹنے کیلئے بہتر حکمت عملی اختیار کی جائے اور صورتحال کی ابھی سے مانیٹرنگ کی جائے۔ انہوں نے انسداد ڈینگی کے حوالے سے ڈی سی او لاہور کی کارکردگی کی تعریف بھی کی۔ سپیشل سیکرٹری صحت علی جان نے اجلاس کو تفصیلی بریفنگ دی ۔اجلاس میں مشیر صحت خواجہ سلمان رفیق، ایڈیشنل چیف سیکرٹری شمائل احمد خواجہ، سیکرٹری بلدیات خالد مسعود چوہدری، سیکرٹری صحت نجم احمد شاہ، ڈینگی ماہرین ڈاکٹر فیصل مسعود، ڈاکٹر وسیم اکرم اور متعلقہ حکام نے شرکت کی۔متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.