اہم ایشو پر پارٹی کے نقطہ نظر کے حوالے سے پمفلٹ کی اشاعت ،بھرپور اپوزیشن اور نئے چہروں کوآگے لایا جائے ،رہنماؤں کی بلاول بھٹو کو تجاویز
پیپلز پارٹی کے چیئرمین سے پنجاب کے سابق صدور قاسم ضیاء،رانا آفتاب ، امتیاز صفدر وڑائچ اور مخدوم شہاب الدین نے بھی ملاقات کی
پیر 11 جنوری 2016 22:03
لاہور( اُردو پوائنٹ اخبارتازہ ترین - این این آئی۔11 جنوری۔2016ء) پیپلز پارٹی کے چیئرمین بلاول بھٹو زرداری کی زیر صدارت مرکزی رہنماؤں کے اجلاس میں اہم ایشو پر پارٹی کے نقطہ نظر کے حوالے سے پمفلٹ کی اشاعت ،بھرپور اپوزیشن کرنے اور نئے چہروں کوآگے لانے کی تجاویز دی گئی ہیں ۔گزشتہ روز بحریہ ٹاؤن میں بلاول ہاؤس میں پنجاب سے تعلق رکھنے والے ارکان قومی و صوبائی اسمبلی ، سینیٹرز اور دیگر رہنماؤں سے خطاب کرتے ہوئے بلاول بھٹو نے کہا کہ آنے والے وقت میں پنجاب میں پارٹی کے تنظیمی ڈھانچے کو مضبوط کیا جائے گا ،پارٹی کی سینئر قیادت ،کارکنوں اور نئے آنے والوں کے ساتھ ملکر شہید ذوالفقار علی بھٹو اور بے نظیر بھٹو شہید والی پارٹی بنایا جائے گا ۔
بلاول بھٹو نے اجلاس میں تمام رہنماؤں کی باتوں کو غور سے سنا اور مسائل حل کرنے کی یقین دہانی بھی کروائی ۔(جاری ہے)
انہوں نے کہا کہ رہنما او راراکین اسمبلی پنجاب میں مشکل حالات میں بھی پارٹی کے ساتھ کھڑے ہیں جس سے ان کی پارٹی کے ساتھ وفا داری اور بھٹو شہید اوربے نظیر بھٹو شہید کے نظریے سے محبت ثابت ہوتی ہے۔ اجلاس میں رہنماؤں نے اپنے خطاب کے دوران مختلف تجاویز بھی دیں۔
انہوں نے چیئرمین بلاول بھٹو زرداری سے کہا کہ آپ کو فوری طور پر پنجاب میں اپنی ایک نئی ٹیم بنا لینی چاہیے اور اب پنجاب میں ایک حقیقی اپوزیشن کرنی چاہیے ۔سابق وزیراعظم سید یوسف رضا گیلانی نے کہا کہ پیپلز پارٹی کی دہشتگردی کے خلاف پالیسی آج قومی پالیسی بن چکی ہے عمران خان نے حکومت تو حاصل کرلی ہے لیکن عوام کے لئے کچھ نہیں کررہے ۔پیپلز پارٹی کو بھرپور اپوزیشن کا کردار ادا کرنا ہوگا۔اعتزاز احسن نے کہا کہ پارٹی کو ہر اہم ایشو پر ایک پمفلٹ شائع کرنا چاہیے جس میں پاٹی کا واضح نکتہ نظر ہوتاکہ پارٹی کا ہر عہدیدار اور کارکن اس کو دیکھ کر اسی کے مطابق موقف دے سکے ۔انہوں نے چیئرمین بلاول بھٹو زرداری کو تجویز دی کہ وہ پارٹی میں نئے چہروں کو آگے لے کر آئیں ۔بلاول ہاؤس میں پارٹی بلاول بھٹو زرداری سے پیپلز پارٹی پنجاب کے سابق صدور قاسم ضیاء،رانا آفتاب احمد خاں، امتیاز صفدر وڑائچ اور مخدوم شہاب الدین نے بھی ملاقات کی ۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.