ایپل کمپنی فون اور کمپیوٹرزکے بعد الیکٹرک کار بنائے گی ‘ہزاروں انجینئیرزکو بھرتی کرلیا گیا

عمر جمشید منگل 12 جنوری 2016 10:53

لاس اینجلس(اُردو پوائنٹ تازہ ترین ۔۔ آئی پی اے ۔۔ 12 جنوری۔2015ء)الیکٹرک گاڑیاں بنانے والی کمپنی ٹسلا کے مالک ایلون مسک کا کہنا ہے کہ ٹیکنالوجی کی دنیا میں سب سے معروف کمپنی ایپل بھی ان کے مقابلے میں الیکٹرک گاڑی بنا رہی ہے۔ مسک نے لاس اینجلیس میں ذرائع ابلاغ کے نمائندوں سے گفتگو کرتے ہوئے کہا کہ ایپل کمپنی ایک شاندار گاڑی خود سے بنانے کی کوشش کرے گی۔

کسی بات کو اس وقت چھپانا بہت مشکل ہوجاتا جب اس پر کام کرنے کے لیے آپ ہزار سے زائد انجینیئروں کو ملازمت دیں۔تاہم وہ ایپل کمپنی کو وہ اپنے لیے خطرہ بھی نہیں سمجھتے ہیں بلکہ وہ کہتے ہیں ’اس سے یہ انڈسٹری اور پھیلے گی۔ٹسلا سب سیشاندار الیکٹرک گاڑیاں بناتی رہے گی اور یہی ہمارا ہدف ہوگا۔ لیکن اس کے ساتھ ہی ہم الیکٹرک گاڑیاں بنانے میں دوسری کمپنیوں کی مدد بھی کریں گے۔

(جاری ہے)

دنیا کی بہترین الیکٹرک گاڑیوں کی دوڑ میں اگرچہ ٹسلا کا مقابلہ نسان اور بی ایم ڈبلیوسے ہے تاہم حالیہ عرصے میں اسے خسارے کا سامنا رہا ہے۔ٹسلا کی مشکلات میں مزید اضافہ اس امر سے بھی ہوا ہے کہ حالیہ مہینوں میں ان کے کئی انجینیئرز کو حریف کمپینوں کی جانب سے ملازمت پر رکھ لیا گیا ہے جن میں چینی کمپنی فراڈے فیوچر اور ایپل شامل ہیں۔خیال رہے کہ ایپل کی جانب سے گاڑی بنانے کا باقاعدہ اعلان نہیں کیا گیا ہے۔ تاہم انھوں نے حال ہی میں گاڑیوں سے متعلق کئی انٹرنیٹ ڈومین رجسٹر کروائے ہیں۔

Facebook Twitter Google + Share on Whatsapp

ایپل کمپنی فون اور کمپیوٹرزکے بعد الیکٹرک کار بنائے گی ‘ہزاروں انجینئیرزکو بھرتی کرلیا گیا

مزید تجارتی خبریں