پانچ سال کے تلخ تجربات کے بعد انٹرنیشنل کرکٹ میں محمد عامر کی واپسی ، رشتہ دار ، گاؤں کے رہائشی نہایت خوش
جمعہ 15 جنوری 2016 12:56
گوجر خان (اُردو پوائنٹ اخبارتازہ ترین - آن لائن۔15 جنوری۔2016ء) سپاٹ فکسنگ میں پانچ سال سزا کاٹنے کے بعد انٹرنیشنل کرکٹ میں واپسی کرنے والے محمد عامر کے بہنوئی محمد اشرف نے کہا ہے کہ عامر کی کرکٹ میں دوبارہ واپسی اور نیوزی لینڈ کے خلاف پاکستان کرکٹ ٹیم میں شمولیت پر پر بہت خوشی ہے ، کرکٹ میں واپسی کا کریڈٹ عامر کی ہمت کو دیں گے، عامر ایک بہادر لڑکا ہے جو مشکلات سے کبھی نہیں گھبرایا، انہوں نے اس کے جیسا مضبوط انسان اپنی پوری زندگی میں نہیں دیکھا۔
اپنے ایک انٹرویو میں انہوں نے کہا کہ ایہ سب پاکستان کرکٹ بورڈ (پی سی بی)، آئی سی سی، پاکستانی قوم اور میڈیا کی سپورٹ اور احسان کے بغیر ممکن نہیں تھا۔ جس وقت محمد عامر اپنی پابندی کی مدت پوری کر رہے تھے، اْس وقت کچھ لوگ اسے بے جا تنقید اور بے بنیاد پراپیگنڈے کا نشانہ بنا رہے تھے، لیکن اللہ کا شکر ہے کہ ہم اس مشکل وقت سے باہر آگئے۔(جاری ہے)
انہوں نے کہا کہ گزشتہ 5 سال ہم پر بہت بھاری گزرے، ایک وقت میں ایسا بھی لگتا تھا کہ اگر عامر کا کیریئر ختم ہوگیا تو ہم تباہ ہوجائیں گے۔
دوسری جانب محمد عامر کی ٹیم میں شمولیت پر ان کے گاؤں والے بھی بہت خوش دکھائی دیئے ر ہائشی ریٹائرڈ فوجی سپاہی غلام مصطفیٰ کا کہنا تھا کہ عامر بہت اچھا لڑکا ہے، وہ بہت شائستہ طبیعت رکھنے والا لڑکا ہے اور ہر کسی کو عزت دیتا ہے، اس کی انٹرنیشنل کرکٹ میں واپسی پر ہم بہت خوش ہیں۔گاوٴں کے ایک اور رہائشی 31 سالہ طاہر محمود نے کہا کہ گاوٴں میں سب سے اچھا وہ وقت ہوتا ہے، جب عامر ہر 2 ماہ بعد یہاں آتا ہے اور ہر کوئی اس سے ملنے کا طلب گار ہوتا ہے۔کئی شیریں یادوں کے ساتھ گاوٴں والوں کے ذہن میں یہ سوال بھی موجود ہے کہ پتہ نہیں محمد عامر میچ فکسنگ کے تنازع میں کیسے پھنس گیا۔گاوٴں کے مزدور واجد حسین کا کہنا تھا کہ ہم یقین سے نہیں کہہ سکتے کہ عامر نے کوئی غلطی کی ہے یا نہیں، لیکن جس بات کا ہمیں یقین ہے وہ یہ ہے کہ عامر ایک مہذب اور اچھے خاندان سے تعلق رکھتا ہے، ان کا خاندان غریب ضرور تھا لیکن دھوکے باز نہیں۔متعلقہ عنوان :
مزید کھیلوں کی خبریں
-
زمبابوے کے سابق کرکٹر گائے وہٹل پرچیتے نے حملہ کردیا
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا
-
پاکستان آئندہ سال چیمپئنز ٹرافی کے بعد نیوزی لینڈ کا دورہ کرے گا
-
انڈونیشیا کی روہمالیا نے ویمن ٹی ٹوئنٹی میں تاریخ رقم کردی
-
ٹی ٹونٹی ورلڈ کپ سے قبل مڈل اوورز میں پاکستان کے سکورنگ ریٹ نے خطرے کی گھنٹی بجا دی
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.