مشہور امریکی گلوکارنک کارٹرنشے کی حالت میں جھگڑا کرنے پر گرفتار

جمعہ 15 جنوری 2016 13:18

فلوریڈا(اُردو پوائنٹ اخبارتازہ ترین - این این آئی۔15 جنوری۔2016ء)امریکا کے مشہور زمانہ میوزک گروپ بیک سٹریٹ بوائز کے گلوکار نک کارٹر کو جھگڑے کے الزام میں پولیس نے گرفتار کر لیا ہے۔غیر ملکی خبر رساں ادارے کے مطابق امریکی شہر کیِ ویسٹ پولیس نے شراب کے نشے میں جھگڑے کے الزام میں بیک سٹریٹ بوائز کے گلوکار نک کارٹر کو ان کے ساتھی سمیت حراست میں لے لیا ہے۔

(جاری ہے)

پولیس کے مطابق اہلکار جب موقع پر پہنچے تو انہوں نے نک کارٹر کو شدید نشے کی حالت میں پایا۔ پولیس رپورٹ کے مطابق گلوکار نک کارٹر اور ان کے ساتھی مائیکل رے ایک بار میں موجود تھے جہاں کے سٹاف نے انھیں مزید شراب فراہم کرنے سے انکار کیا تو دونوں غصے میں آگ بگولہ ہو گئے۔ صورتحال کو دیکھتے ہوئے سٹاف نے دونوں حضرات کو بار سے چلے جانے کا کہا تو دونوں سٹاف سے جھگڑ پڑے۔ دونوں نے بار کے باہر ایک ملازم کو پکڑ کے بری طرح پیٹا۔ بار کے سٹاف نے پولیس کو واقعہ کی رپورٹ کر دی۔ پولیس نے موقع پر پہنچ کر دونوں کو گرفتار کر لیا۔

Facebook Twitter Google + Share on Whatsapp

مشہور امریکی گلوکارنک کارٹرنشے کی حالت میں جھگڑا کرنے پر گرفتار

مزید فن و فنکار کی خبریں