بولی وڈ اداکار نوازالدین کے خلاف مقدمہ

فہد شبیر اتوار 17 جنوری 2016 22:17

ممبئی(اُردو پوائنٹ اخبار تازہ ترین۔17جنوری۔2016ء)ممبئی میں پولیس نے پارکنگ کی جگہ کے تنازعہ پر بولی وڈ اداکار نوا زالدین صدیقی کے خلاف مقدمہ درج کر لیا۔ انڈین ایکسپریس کی ایک رپورٹ کے مطابق، ایک خاتون نے وارسوا پولیس اسٹیشن میں شکایت کی کہ نواز نے پارکنگ کی جگہ کے تنازعے پر انہیں دھکے دیے اور نامناسب رویہ اختیار کیا۔

(جاری ہے)

نواز الدین اور متاثرہ خاتون ایک ہی ہاؤسنگ سوسائٹی کے رہائشی ہیں اور خاتون کا دعویٰ ہے کہ نواز، ان کے بھائی اور ملازموں نے اتوار کی دوپہر ان کی 24 سالہ بیٹی سے بدتمیزی کی۔

شکایت کنندہ خاتون نے انڈین ایکسپریس کو بتایا کہ ہاؤسنگ سوسائٹی کے پورے پارکنگ ایریا پر قبضہ کی وجہ سے پڑوسیوں کو ایک سال قبل یہاں رہائش اختیار کرنے والے نواز الدین سے اختلاف ہے ۔ ’آج جب میری بیٹی نے نواز کی تصاویر کھینچنے کے کوشش کی تو انہوں نے اپنے بھائی اور ملازمین کے ہمراہ میری بیٹی سے بدتمیزی کرتے ہوئے انہیں دھکے دیے‘۔ دوسری جانب ، اے این آئی نے اپنی ٹوئٹ میں نواز کے بھائی فیض صدیقی کے حوالے سے ایک خاتون کو دھکے دینے کو جھوٹ قرار دیا ہے۔

Facebook Twitter Google + Share on Whatsapp

بولی وڈ اداکار نوازالدین کے خلاف مقدمہ

مزید فن و فنکار کی خبریں