بہت سی اداکارائیں میرے سٹائلش ہونے پر مجھے کوستی ہیں،سونم کپور

پیر 18 جنوری 2016 13:46

بہت سی اداکارائیں میرے سٹائلش ہونے پر مجھے کوستی ہیں،سونم کپور

ممبئی۔ 18 جنوری (اُردو پوائنٹ اخبارتازہ ترین - اے پی پی۔18 جنوری۔2016ء) بالی وڈ کی اداکارہ سونم کپور نے کہا ہے کہ اداکارائیں مجھے فیشن ٹرینڈ قائم کرنے پر حسد میں آکربرابھلا کہتی ہیں کیونکہ اس کی وجہ سے مجھے سٹائلش اداکارہ کہا جاتا ہے۔ایک بھارتی فلمی جریدے کے سالانہ سرورق کی لانچ کے موقع پر انٹرویو میں سونم نے کہا کہ ایک دفعہ ایک بہت بڑی اداکارہ جس کا نام نہیں لوں گی نے باقاعدہ میرے سے شکایت کی کہ تمھاری وجہ سے مجھے اپنے آپ کو سٹائلش بنانے کے لئے ایک سٹائلسٹ کو اپنا ڈھیروں روپیہ دینا پڑا جبکہ میں اس کے لئے کسی سٹائلسٹ سے مدد نہیں لیتی،خود انتخاب کرتی ہوں یا پھر زیادہ سے زیادہ میری بہن میری مدد کر دیتی ہے ۔

سونم کے مطابق بہت سی اداکارائیں میری اداؤں کی وجہ سے مجھے گالیاں دیتی ہیں،انھوں نے کہا کہ ایک اداکارہ کو فیشن ٹرینڈ قائم کرتے ہوئے بہت محتاط رہنا چاہیے کیونکہ لوگ اس کی پیروی کرتے ہیں ،سونم کے مطابق مجھے فیشن ایبل کہلانے کے بجائے سٹائلش کہلانے کا شوق ہے میرے نزدیک دونوں الگ الگ چیزیں ہیں۔

(جاری ہے)

سونم نے بتایا کہ ان کی آنے والی فلم”نیرجا“ہے جو 19 فروری کو ریلیز ہوگی۔اس فلم کی کہانی اصل زندگی کی کہانی ہے،لوگ بہت پسند کریں گے ،اس فلم میں ان کا کردار ائیر ہوسٹس نیرجا بھانوت کا ہے جو مسافروں کی زندگیاں بچاتے ہوئے اپنی زندگی قربان کر دیتی ہے۔اس فلم میں ان کے ساتھ شبانہ عظمی اور شیکھر راوجیہانی ہیں۔