تمام سائنسی اور تکنیکی شعبوں میں ممالک کے مابین متحدہ عمل کی تشکیل بہت اہم ہے
وفاقی وزیر برائے موسمیاتی تغیرات زاہد حامدکاپانی کی سیکورٹی میں درپیش چیلنجز‘‘ بارے ورکشاپ سے خطاب
بدھ 20 جنوری 2016 22:56
اسلام آباد (اُردو پوائنٹ اخبارتازہ ترین - آئی این پی۔20 جنوری۔2016ء )وفاقی وزیر برائے موسمیاتی تغیرات زاہد حامد نے کہا ہے کہ عالمگیریت کے موجودہ دور میں سائنسی اور تکنیکی شعبوں میں ملکوں کا متحدہ عمل بڑی اہمیت اختیار کر گیا ہے کیونکہ اس سے اقوام عالم کو درپیش مشترکہ مسائل اور امور کا تجربات ،آئیڈیاز اور تحقیق کا تبادلہ کرکے حل تلاش کیا جا سکتاہے۔
وہ بدھ کووزیر برائے موسمی تغیرات زاہدحامد نے یہ بات ’’خوراک کی بڑھتی ہوئی ضروریات کو پورا کرنے میں پانی کی سیکورٹی میں درپیش چیلنجز‘‘ بارے ورکشاپ کے اختتامی سیشن سے خطاب کر رہے تھے جس کا اہتمام ایسوسی ایشن آف اکیڈمکس اور ایشیاء میں سوسائٹیز آف سائنسز اور پاکستان کی اکیڈمی آف سائنسز نے کیا تھا۔(جاری ہے)
انہوں نے کہا کہ پاکستان کی پائیدار ترقی میں پانی کے کردار کی اہمیت سے کون آگاہ نہیں ہے پاکستان دنیا بھر میں پانی کی کمی والے ممالک میں سے ایک ہے اور پانی کی دستیابی والے ممالک کی طرف بڑھ رہا ہے۔
پاکستان میں ماضی کے مقابلہ میں فی کس پانی کی دستیابی بہت کم ہوگئی ہے۔انہوں نے ایسوسی ایشن آف اکیڈمکس اینڈ سوسائٹیز آف ایشیاء اور پاکستان اکیڈمی آف سائنسز کو سراہا۔ وفاقی وزیر نے کہا کہ یہ ورکشاپ بڑی اہم ہے کیونکہ یہ ورکشاپ پاکستان کو درپیش اہم ترین چیلنجز پر قابو پانے سے متعلق ہے۔زاہد حامد نے کہا کہ آب و ہوا کا پانی کے وسائل سے بھی تعلق ہے یہی وجہ ہے کہ ماحولیاتی تبدیلی کے پاکستان کے آبی وسائل پر بڑے گہرے اثرات مرتب ہوئے ہیں۔ پاکستان کے آبی وسائل تازہ پانی کے وسائل کی بنیاد زیادہ تر برفباری اور گلیشیرز کے پگھلنے اور مون سون ہیں اور یہ دونوں عوامل آب و ہوا کی تبدیلی میں بہت حساس ہیں۔انہوں نے کہا کہ ہم اس ورکشاپ میں پیش کی گئی سفارشات پر عملدرآمد کریں گے۔ورکشاپ میں قومی و بین الاقوامی سائنس دانوں اور پاکستان اکیڈمی آف سائنسز اور ایسوسی ایشن آف ایشیاء سوسائیٹرز آف سائنسز کے اراکین نے شرکت کی۔ آخر میں زاہد حامد نے ورکشاپ کے شرکاء میں اسناد تقسیم کیں۔مزید اہم خبریں
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
پنجاب میں سموگ کے خاتمے کیلئے انوائرنمنٹل پروٹیکشن اتھارٹی بنانے کا فیصلہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.