امریکی کمانڈو نے اسامہ کی لاش کی تصویر محفوظ کرلی تھی

جمعرات 21 جنوری 2016 11:25

نیویارک(اُردو پوائنٹ اخبارتازہ ترین - آئی این پی۔21 جنوری۔2016ء )اسامہ بن لادن کو ہلاک کرنے والی ٹیم میں شامل کمانڈو نے القاعدہ کے سربراہ کی لاش کی تصویر اپنے پاس محفوظ کرلی تھی۔اس بات کا انکشاف ایک امریکی جریدے نے کیا۔جریدے کے مطابق امریکی کمانڈوز کی ٹیم میں شامل میتھیو بیسونیٹ نے اسامہ بن لادن کی ہلاکت کے بعد لی گئی تصاویر میں سے ایک فوٹو اپنے پاس محفوظ کرلی تھی۔

(جاری ہے)

تاہم میتھیو نے اب اپنے کمپیوٹر کی ہارڈ ڈرائیو اس شرط کے تحت تفتیش کاروں کے حوالے کی ہے کہ اس کے خلاف غیرقانونی طور پر تصویر رکھنے کا مقدمہ نہیں چلایا جائے گا۔میتھیو کے وکیل نے اس حوالے سے مزید تفصیلات بتانے سے گریز کیا ہے۔اس سے قبل 2012 میں میتھیو بیسونیٹ نے اپنی کتاب ”نو ایزی ڈے“ میں اسامہ بن لادن پر حملے کی تفصیل لکھی تھی جس پر پینٹا گون اور دیگر فوجی اداروں نے سخت ناراضی کا اظہار کیا تھا۔

Facebook Twitter Google + Share on Whatsapp

امریکی کمانڈو نے اسامہ کی لاش کی تصویر محفوظ کرلی تھی

مزید بین الاقوامی خبریں