پاکستان نے افغان سموں کے سگنل روکنے کے لیے افغان حکومت سے معاہدے کا فیصلہ کر لیا

عمر جمشید جمعہ 22 جنوری 2016 10:59

اسلام آباد(اُردو پوائنٹ تازہ ترین ۔۔ آئی پی اے ۔۔ 22 جنوری۔2015ء) پاکستان نے افغان سموں کے پاکستان میں سگنل روکنے کے لیے افغان حکومت سے معاہدے کا فیصلہ کر لیا۔ حکومت پاکستان نے موقف اختیار کیا ہے کہ افغان سمیں پاکستان میں دہشتگردی کے لیے استعمال ہو ر ہی ہیں۔

(جاری ہے)

پی ٹی اے ذرائع کے مطابق پاکستان میں افغان موبائل کمپنیوں کی رومنگ بند کر دی گئی ہے لیکن بارڈر کے قریب افغان سرزمین پر لگے ٹاورز کے سگنل پاکستان میں آتے ہیں جس کی وجہ سے افغان سمیں پاکستان میں دہشتگردی کے لیے استعمال ہو رہی ہیں۔

پاکستان ٹیلی کمیونیکیشن ذرائع کا کہنا ہے کہ معاہدے کے بعد پاکستان میں افغان سموں کے استعمال کو مکمل طور پر ختم کیا جا سکے گا جبکہ پاکستانی سموں کو بھی غیر قانونی طور پر افغانستان میں استعمال نہیں کیا جا سکے گا۔

Facebook Twitter Google + Share on Whatsapp

پاکستان نے افغان سموں کے سگنل روکنے کے لیے افغان حکومت سے معاہدے کا فیصلہ کر لیا

متعلقہ عنوان :

مزید اہم خبریں