پورٹ قاسم پر جو بجٹ لگ رہا ہے سیف الرحمان اس میں ملوث ہے ۔ پی ٹی آئی رہنما اسدعمر

سمیرا فقیرحسین جمعہ 22 جنوری 2016 12:49

اسلام آباد(اُردو پوائنٹ تازہ ترین اخبار۔22 جنوری 2016ء) : نجی ٹی وی چینل کے ایک پروگرام میں گفتگو کرتے ہوئے پی ٹی آئی رہنما اسد عمر نے کہا کہ کچھ عرصہ قبل میری کی گئی تحقیقات کے مطابق پورٹ قاسم پر جو بجٹ لگایا جا رہا ہے اس میں سیف الرحمان بھی ملوث ہے۔ان کا کہنا تھا کہ نواز شریف کے تاحال سیف الرحمان کے ساتھ تعلقات بحال ہیں جبکہ فواد حسن فواد کی براہ راست فون کالز وزیر اعظم ہاﺅس میں سُنی جاتی ہیں جس میں کہا جاتا ہے کہ قوانین گئے بھاڑ میں ہمیں تصدیق کر کے دو۔

(جاری ہے)

انہوں نے کہا کہ پورٹ قاسم پر بنائے گئے پراجیکٹ کو سیف الرحمان کا پراجیکٹ کہا جاتا تھا لیکن حکومت نے اسے ماننے سے نکار کر دیا۔ انہوں نے مزید بتایا کہ موٹر وے کے پراجیکٹس میں بھی نیشنل ہائی وے اتھارٹی کو وزیر اعظم نواز شریف کی جانب سے ہدایات دی گئی تھیں کہ یہ پراجیکٹ سیف الرحمان کو دیا جائے۔ اسد عمر کا کہنا تھا دو، دو لاکھ روپے کی چوریاں ختم ہو کر اب اربوں روپے کے پراجیکٹس پر ہاتھ صاف کیے جا رہے ہیں لیکن حکومت اس سے انکار کرتی آئی ہے۔