جنگلات کے لئے جامع منصوبہ تیار کیا جا رہا ہے، زاہد حامد
جمعہ 22 جنوری 2016 16:32
اسلام آباد (اُردو پوائنٹ اخبارتازہ ترین - آن لائن۔22 جنوری۔2016ء) وفاقی وزیر موسمیاتی تبدیلی زاہد حامد نے کہا ہے کہ گلوبل وارمنگ میں پاکستان کا 0.8 فیصد حصہ ہے وزیر اعظم کی ہدایت کے مطابق جنگلات کے لئے جامع منصوبہ تیار کیا جا رہا ہے ان خیالات کا اظہار انہوں نے جمعہ کو چیئرمین کمیٹی حفیظ الرحمان خان کی صدارت میں قائمہ کمیٹی برائے موسمیاتی تبدیلی کے اجلاس کو بریفنگ دیتے ہوئے کیا ۔
وفاقی وزیر موسمیاتی تبدیلی نے کمیٹی کو بتایا کہ گلوبل وارمنگ کے منفی اثرات میں پاکستان پچھلے سال دسویں نمبر پر تھا اس سال پاکستان اب دنیا بھر میں آٹھویں نمبر پر ہے انہوں نے کہا کہ گلوبل وارمنگ کے سبب ہر سال سیلاب گلیشیئر پگھلنے سمیت ماحولیات پر بڑے پیمانے پر منفی اثرات کا پاکستان کو سامنا ہے ۔(جاری ہے)
انہوں نے کمیٹی کو بتایا کہ وزیر اعظم کی ہدایت پر جنگلات کے لئے جامع منصوبہ تیار کیا جا رہا ہے اس منصوبے کے تحت جنگلات کی کٹائی کی روک تھام کی جائے گی جس پر عملدرآمد صوبائی حکومتیں گریں گی چیئرمین کمیٹی حفیظ الرحمان خان نے وفاقی وزیر سے پوچھا کہ موسمیاتی تبدیلیوں کی وجہ سے جو زراعت کو نقصانات ہو رہے ہیں ۔
اس حوالے سے وزارت موسمیاتی تبدیلی نے کیا اقدامات کئے ہیں جس پر وفاقی وزیر زاہد حامد نے کمیٹی کو بتایا کہ زراعت کو موسمیاتی تبدیلیوں کے نقصانات سے بچانے کے لئے ایک کلامنٹ سماڑ ایگری کلچرل سٹم لایا گیا ہے جس کو بہت جلد متعارف کروایا جائے گا ۔ممبر کمیٹی مسرت احمد زیب نے کہا کہ موسمیاتی تبدیلی صوبائی نہیں بلکہ قوم مسئلہ ہے انہوں نے کہا کہ سوات میں جنگلات تیزی سے ختم ہو رہے ہیں جبکہ چشمے سوکھ رہے ہیں اور دیوار جیسے قیمتی درخت کو مقامی بااثر لوگ کاٹ رہے ہیں ممبران کمیٹی نے وزارت موسمیاتی تبدیلی کے حکام کو کہا کہ جنگلات کی کٹائی کو روکنے کے لئے صرف کاغذی کارروائی ہو رہی ہے جبکہ زمینی حقائق کے مطابق اس پر عملدرآمد نہیں ہو رہا ہے ممبران کمیٹی نے چیئرمین کمیٹی کو تجویز دی کہ آئندہ اجلاس میں چاروں صوبوں کے سیکرٹری جنگلات کو طلب کیا جائے اور جنگلات کی کٹائی کے حوالے سے تفصیلاً بریفنگ لی جائے ۔مزید اہم خبریں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.