آئی سی سی نے ٹی 20 پلیئرز رینکنگ جاری کر دی، پاکستان کا کوئی بلے باز ٹاپ ٹین میں جگہ نہ بنا سکا،شاہد خان آفریدی باؤلنگ میں ایک درجے بہتری کے بعد تیسرے نمبر پر آ گئے
باؤلنگ میں ویسٹ انڈیز کے سیموئل بدری پہلے، بھارت کے ایشوین دوسرے، سری لنکا کے سینانیاکے چوتھے، زمبابوے کے کریمر پانچویں، آسٹریلیا کے مچل سٹارک چھٹے نمبر پر ،آل راؤنڈرز کی فہرست میں بنگلہ دیش کے شکیب الحسن کا پہلا نمبر ہے جبکہ پاکستان کے شاہد آفریدی دوسرے، آسٹریلیا کے شین واٹسن تیسرے پر براجمان
ہفتہ 23 جنوری 2016 17:28
دبئی(اُردو پوائنٹ اخبارتازہ ترین - آن لائن۔23 جنوری۔2016ء) انٹرنیشنل کرکٹ کونسل ( آئی سی سی) نے پاکستان اور نیوزی لینڈ کے درمیان تیسرے ٹی 20 میچ کے بعد نئی رینکنگز جاری کر دی ہیں جس کے مطابق بیٹنگ میں پاکستان کا کوئی بھی بلے باز ٹاپ ٹین میں شامل نہیں ہے جبکہ کپتان شاہد خان آفریدی باؤلنگ میں ایک درجے بہتری کے بعد تیسرے نمبر پر آ گئے ہیں۔تفصیلات کے مطابق آئی سی سی کی جانب سے جاری کی گئی رینکنگ کے مطابق بیٹنگ میں آسٹریلیا کے ایرون فنچ پہلے، بھارت کے ویرات کوہلی دوسرے، انگلینڈ کے ایلکس ہیلز تیسرے، جنوبی افریقہ کے فاف ڈوپلیسس چوتھے، نیوزی لینڈ کے مارٹن گپٹل پانچویں جبکہ نیوزی لینڈ ٹی 20 ٹیم کے کپتان کین ولیمسن پانچ درجے ترقی کے بعد پہلی بار چھٹے نمبر پر آئے ہیں۔
ویسٹ انڈیز کے کرس گیل ساتویں، زمبابوے کے مساکازا آٹھویں، یو اے ای کرکٹ ٹیم کے کھلاڑی محمد شہزاد نویں اور سری لنکا کے پریرا دسویں نمبر پر ہیں۔(جاری ہے)
باؤلنگ میں ویسٹ انڈیز کے سیموئل بدری پہلے، بھارت کے ایشوین دوسرے، پاکستان کے شاہد آفریدی تیسرے، سری لنکا کے سینانیاکے چوتھے، زمبابوے کے کریمر پانچویں، آسٹریلیا کے مچل سٹارک چھٹے، سری لنکا کے لاستھ ملنگا ساتویں، نیوزی لینڈ کے میکلیناگن آٹھویں، جنوبی افریقہ کے عمران طاہر نویں اور افغانستان کے زردان دسویں نمبر پر ہیں۔
آل راؤنڈرز کی فہرست میں بنگلہ دیش کے شکیب الحسن کا پہلا نمبر ہے جبکہ پاکستان کے شاہد آفریدی دوسرے، آسٹریلیا کے شین واٹسن تیسرے، پاکستان کے محمد حفیظ چوتھے، سری لنکا کے میتھیوز پانچویں، ویسٹ انڈیز کے سیمیولز چھٹے، جنوبی افریقہ کے ڈومنی ساتویں، بھارت کے یووراج سنگھ آٹھویں، ویسٹ انڈیز کے براوو نویں اور آسٹریلیا کے میکسویل دسویں نمبر پر ہیں۔ ۔مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.