د ولت اور ریاستی وسائل کے زور پر حکمرانی کرنے والے عوام کو بیوقوف نہیں بنا سکتے‘ پیپلز پارٹی
پیپلز پارٹی وفاق کی علامت اور جمہوریت کی بانی جماعت ہے اسے کمزور سمجھنے والے غلط فہمی کا شکار ہیں، کسی کو ملک دوشمن ایجنڈے اور عوامی مینڈیٹ کو تبدیل کر کے من پسند افراد کو نوازنے کی ہرگز اجازت نہیں دیں گے ، حکمران رحیم یار خان کے نتائج کا اخترام کریں ریاستی مشینری استعمال کرنے کی بجائے پیپلز پارٹی کے مینڈیٹ کو تسلیم کریں‘جہانگیر بدر، اورنگزیب برکی، عبدالقادر شاہین، الطاف قریشی کا مشترکہ بیان
ہفتہ 23 جنوری 2016 18:02
لاہور( اُردو پوائنٹ اخبارتازہ ترین - این این آئی۔23 جنوری۔2016ء) پاکستان پیپلز پارٹی کے چیئرمین بلاول بھٹو زرداری کے سینئر پولیٹکل ایڈوائزر و سابق سینٹر ڈاکٹر ایم جہانگیر بدر ، بلاول ہاؤس لاہور کے کوارڈینٹر وصوبائی سیکرٹری فنانس پنجاب اورنگزیب برکی اور پیپلز پارٹی کی فیڈرل کونسل کے رکن عبدالقادر شاہین ، الطاف قریشی نے پارٹی کے میڈیا آفس سے جاری اپنے ایک مشترکہ بیان میں کہا ہے کہ :۔
پنجاب حکومت نے ضلع رحیم یار خان میں بلدیاتی الیکشن میں شکست سے دو چار ہونے کے بعد ریاستی مشینری کے زور پر کامیاب امیدواران کی وفاداریاں تبدیل کر کے ضلع چیئرمین شپ کے انتخابات پر اثر انداز ہو کر ایک مرتبہ پھر چھانگا مانگا کی تاریخ دوھرنے کی ناکام کوشش کر رہے ہیں جسے کسی بھی صورت برداشت نہیں کیا جائے گا۔(جاری ہے)
پنجاب کے ضلع رحیم یار خان میں پیپلز پارٹی کی کامیابی نے مخالفین کی نیندیں حرام کر رکھی ہیں رحیم یار خان میں حکومتی دھاندلی اور پولیس گردی کے باوجود بھاری اکثریت سے کامیابی نے ثابت کر دیا کہ پیپلز پارٹی آج بھی چاروں صوبوں کی زنجیراور وفاق پاکستان کی علامت جماعت ہے۔
اسے کمزور سمجھنے والے غلط فہمی کا شکار ہیں ۔انہوں نے کہا کہ موجودہ غیر یقینی جیسی صورت حال میں ملک جن مسائل اور مشکلات سے دو چار ہے پیپلز پارٹی خاموش تماشائی نہیں بنے گی بلکہ ایسی نازک صورت حال میں اپنا آئینی جمہوری وقانونی کردار اداکرنے کے لیے بھرپور جدوجہد کریگی۔ انہوں نے حکمرانوں کو خبردار کیا کہ وہ رحیم یار خان کے نتائج کا احترام کریں ریاستی مشینری استعمال کرنے کی بجائے پیپلز پارٹی کے مینڈیٹ کو تسلیم کیا جائے گاملک مزید سیاسی عدم استحکام کا متحمل نہیں ہو سکتاہمیں ماضی کو بھلا کر ملک کی بہتری اور جمہوریت کی مضبوطی کے لیے سب کو مل کر آگے بڑھنا ہو گا پیپلز پارٹی نے جمہوریت کے لیے لازوال قربانیاں دیں ہم شہید قائدین کا وژن ملک کے کونے کونے تک پہنچائیں گے۔انہوں نے کہا کہ ہمیں اپنے جیا لوں پر فخر ہے جنہوں نے ہمیشہ مشکل وقت میں پارٹی کی فلاح و بہبود اور بقاء کی جنگ لڑی، دولت اور ریاستی و سائل کے زور پر حکمرانی کرنے والے عوام کو بیوقوف نہیں بنا سکتے انکی کارکردگی بجلی بحران میں اضافہ قومی اداروں کی نجکاری کے نام پر لوٹ مار اور چہیتوں کو نوازنے اور میگا پراجیکٹ کی آڑ میں کرپشن جیسی پالیسیاں اور غریب متوسط طبقے کے افراد کو زندہ درگور کرنا ہی انکا اصل مقصد اور ایجنڈا ہے، انہوں نے مزید کہا کہ پیپلز پارٹی کسی کو ملک دشمن ایجنڈے اور عوامی مینڈیٹ کو تبدیل کر کے من پسند افراد کو نوازنے کی ہر گز اجازت نہیں دیگی جیالے بیدار ہو گئے ہیں اربوں روپے خرچ کر کے لاہور کی ایک نشت فتح کرنے والے پیپلز پارٹی کا مقابلہ نہیں کر سکتے۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.