ساؤتھ ایشین گیمز کی سکیورٹی کا جائزہ لینے کیلئے آئندہ چند روز میں ایک وفد بھارت بھجوایا جا ئیگا، خالد محمود
پیر 25 جنوری 2016 15:15
لاہور۔25 جنوری(اُردو پوائنٹ اخبارتازہ ترین - اے پی پی۔25 جنوری۔2016ء)پاکستان اولمپک ایسوسی ایشن کے نومنتخب جنرل سیکرٹری خالد محمود نے کہا ہے کہ مجھے دوسری دفعہ سیکرٹری منتخب کرکے کھیلوں کے مختلف یونٹس نے جس اعتماد کا اظہار کیا ہے وہ اس پر پورا اترنے کی کوشش کریں گے۔گز شتہ روز اے پی پی سے خصوصی گفتگو کرتے ہوئے انہوں نے کہاکہ ملک میں کھیلوں کے معیار کو بہتر بنانے کے لئے پی او اے کے دروازے سب کے لئے کھلے ہیں اور ہم کسی کو اپنا مخالف نہیں سمجھتے ۔
ہم سب کو مل کر ملک میں کھیلوں کے معیار کو بہتر بنانے کے لئے کام کرنا چاہئے ۔کھیلوں کی ترقی کے لئے ہر طرف سے آنے والی تجاویز کا خیر مقدم کریں گے ۔انہوں نے کہاکہ ساؤتھ ایشین گیمز میں بہتر پرفارمنس دکھانے کے لئے کھیلوں کی مختلف فیڈریشنوں نے اپنی تیاریاں کی ہیں تاہم انہیں کیمپ کے لئے کم وقت ملا ہے ۔(جاری ہے)
امید ہے کہ پاکستانی کھلاڑی ساؤتھ ایشین گیمز میں بہتر پرفارمنس کا مظاہرہ کرکے زیادہ سے زیادہ میڈل حاصل کریں گے ۔
ہندوستان نے بطور دفاعی چیمپئن اور میزبان گیمز میں اپنی برتری قائم رکھنے کے لئے کافی عرصہ پہلے سے تیاریاں شروع کردی ہیں جبکہ سری لنکا اور بنگلہ دیش ایونٹ میں دوسری اور تیسری پوزیشن حاصل کرنے کے لئے سخت ٹریننگ کررہے ہیں انہوں نے بتایا کہ پی او اے گوہاٹی بھارت میں 6فروری سے 16فروری تک منعقد ہونے والی ساؤتھ ایشین گیمز کی سکیورٹی کا جائزہ لینے کے لئے آئندہ چند روز میں ایک سکیورٹی وفد بھجوائے گا جس کی رپورٹ کے بعد پاکستانی دستے کو بھارت بھجوایا جائے گا ۔انہوں نے بتایا کہ پی او اے کی سکیورٹی دفد کی روانگی کی تاریخ کے بارے میں بھارتی اولمپک ایسوسی ایشن نے ابھی تک ہمیں کوئی تاریخ نہیں دی اور اس سلسلہ میں گزشتہ روز انہیں یاد دہانی کا خط بھجوادیا گیا ہے اور امید ہے کہ ان کی طرف سے جلد ہی جواب آجائے گا اور سیکورٹی وفد 31جنوری تک بھارت چلا جائے گا ۔انہوں نے بتایا کہ ساؤتھ ایشین گیمز میں شرکت کے لئے پاکستان کا 400سے زائد رکنی دستہ مختلف تاریخوں میں بھارت روانہ ہوگا ۔جن کھیلوں کے ایونٹس جلد ہوں گے ان کے کھلاڑی اور عہدیدران جلد بھارت جائیں گے اور جن کے لیٹ ہوں گے ان کے کھلاڑی بعد میں جائیں گے ۔انہوں نے کہا کہ ساؤتھ ایشین گیمز میں کرکٹ کے کھیل کو شامل نہ کیے جانے سے شائقین کرکٹ کے ساتھ ساتھ ہمیں بھی افسوس ہوا ہے لیکن اس میں ساؤتھ ایشین گیمز کی انتظامیہ کا کوئی قصور نہیں ہے ۔ساؤتھ ایشن ممالک کے کرکٹ بورڈز اپنی مصروفیات کی وجہ سے کرکٹ ٹیمیں گیمز میں نہیں بھیجتے جس کی وجہ سے ساؤتھ ایشن گیمز میں اس دفعہ کرکٹ کے کھیل کو شامل نہیں کیا گیا ۔ہماری خواہش ہے کہ کرکٹ کا کھیل اولمپک گیمز کا بھی حصہ بنے ۔مزید کھیلوں کی خبریں
-
شادی اور ماں بننے کے بعد بورڈ کی سپورٹ سے کم بیک کامیاب ہوا،بسمہ معروف
-
پہلا ٹی20، بابراعظم، شاہین کی ایک دوسرے سے گلے ملنے کی ویڈیو وائرل
-
ورلڈ اوپن اسکواش،پاکستان کے حمزہ خان مین ڈراز میں شامل
-
نیشنل ویمن فٹ بال چیمپئن شپ ملتوی
-
اولمپیئن جیولن تھرور ارشد ندیم نے ساؤتھ افریقا میں ٹریننگ کا آغاز کر دیا
-
شاہین آفریدی کو بطور کپتان تھوڑا وقت دینا چاہیے تھا،جاوید میانداد
-
پاکستان اورسری لنکا کے درمیان روایتی جے وردھنے ٹرافی مہمان ٹیم کے نام
-
پاکستا ن اور نیوزی لینڈ کے درمیان پانچ میچوں پر مشتمل ٹی ٹوئنٹی سریز کا دوسرا میچ (کل) کھیلا جائیگا
-
ورلڈ چیمپئن شپ آف لیجنڈز میں پاک۔ بھارت میچ کے ٹکٹ ہاتھوں ہاتھ فروخت
-
ہولگر رونے اور الیگزینڈر زویروف نے بی ایم ڈبلیو ٹینس چیمپئن شپ کے کوارٹر فائنل میں جگہ بنا لی
-
انڈین پریمیئر لیگ میں واحد میچ دہلی کیپٹلز اورسن رائزرز حیدرآباد کی ٹیموں کے مابین کل کھیلا جائے گا
-
آئی پی ایل کے دوران سٹیڈیم میں بکیز پکڑے گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.