ساوٴتھ ایشین گیمز کی سکیورٹی کا جائزہ لینے کیلئے آئندہ چند روز میں وفد بھارت بھجوایا جا ئیگا، خالد محمود
منگل 26 جنوری 2016 13:05
لاہور(اُردو پوائنٹ اخبارتازہ ترین - آن لائن۔26 جنوری۔2016ء)پاکستان اولمپک ایسوسی ایشن کے نومنتخب جنرل سیکرٹری خالد محمود نے کہا ہے کہ مجھے دوسری دفعہ سیکرٹری منتخب کرکے کھیلوں کے مختلف یونٹس نے جس اعتماد کا اظہار کیا ہے وہ اس پر پورا اترنے کی کوشش کریں گے۔ میڈیا سے گفتگو کرتے ہوئے انہوں نے کہاکہ ملک میں کھیلوں کے معیار کو بہتر بنانے کے لئے پی او اے کے دروازے سب کے لئے کھلے ہیں اور ہم کسی کو اپنا مخالف نہیں سمجھتے۔
ہم سب کو مل کر ملک میں کھیلوں کے معیار کو بہتر بنانے کے لئے کام کرنا چاہئے۔کھیلوں کی ترقی کے لئے ہر طرف سے آنے والی تجاویز کا خیر مقدم کریں گے۔انہوں نے کہاکہ ساوٴتھ ایشین گیمز میں بہتر پرفارمنس دکھانے کے لئے کھیلوں کی مختلف فیڈریشنوں نے اپنی تیاریاں کی ہیں تاہم انہیں کیمپ کے لئے کم وقت ملا ہے۔(جاری ہے)
امید ہے کہ پاکستانی کھلاڑی ساوٴتھ ایشین گیمز میں بہتر پرفارمنس کا مظاہرہ کرکے زیادہ سے زیادہ میڈل حاصل کریں گے۔
ہندوستان نے بطور دفاعی چیمپئن اور میزبان گیمز میں اپنی برتری قائم رکھنے کے لئے کافی عرصہ پہلے سے تیاریاں شروع کردی ہیں جبکہ سری لنکا اور بنگلہ دیش ایونٹ میں دوسری اور تیسری پوزیشن حاصل کرنے کے لئے سخت ٹریننگ کررہے ہیں انہوں نے بتایا کہ پی او اے گوہاٹی بھارت میں 6فروری سے 16فروری تک منعقد ہونے والی ساوٴتھ ایشین گیمز کی سکیورٹی کا جائزہ لینے کے لئے آئندہ چند روز میں ایک سکیورٹی وفد بھجوائے گا جس کی رپورٹ کے بعد پاکستانی دستے کو بھارت بھجوایا جائے گا۔انہوں نے بتایا کہ پی او اے کی سکیورٹی دفد کی روانگی کی تاریخ کے بارے میں بھارتی اولمپک ایسوسی ایشن نے ابھی تک ہمیں کوئی تاریخ نہیں دی اور اس سلسلہ میں گزشتہ روز انہیں یاد دہانی کا خط بھجوادیا گیا ہے اور امید ہے کہ ان کی طرف سے جلد ہی جواب آجائے گا بھارت روانہ ہوگا۔جن کھیلوں کے ایونٹس جلد ہوں گے ان کے کھلاڑی اور عہدیدران جلد بھارت جائیں گے اور جن کے لیٹ ہوں گے ان کے کھلاڑی بعد میں جائیں گے۔انہوں نے کہا کہ ساوٴتھ ایشین گیمز میں کرکٹ کے کھیل کو شامل نہ کیے جانے سے شائقین کرکٹ کے ساتھ ساتھ ہمیں بھی افسوس ہوا ہے لیکن اس میں ساوٴتھ ایشین گیمز کی انتظامیہ کا کوئی قصور نہیں ہے۔ساوٴتھ ایشن ممالک کے کرکٹ بورڈز اپنی مصروفیات کی وجہ سے کرکٹ ٹیمیں گیمز میں نہیں بھیجتے جس کی وجہ سے ساوٴتھ ایشن گیمز میں اس دفعہ کرکٹ کے کھیل کو شامل نہیں کیا گیا۔ہماری خواہش ہے کہ کرکٹ کا کھیل اولمپک گیمز کا بھی حصہ بنے۔مزید کھیلوں کی خبریں
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
-
پاکستان اورنیوزی لینڈ کی کرکٹ ٹیموں کے مابین ٹی ٹونٹی سیریزکی ٹکٹوں کی فروخت 29 مارچ سے شروع ہو گی، ترجمان
-
بھارتی انتخابات: کانگریس کا ثانیہ مرزا کو حیدر آباد سے ٹکٹ جاری کرنے پر غور
-
ایشیا اوشیانا ورلڈ جونیئر ٹینس انڈر14 کوالیفائرز میں پاکستان نے اوزبکستان کو شکست دے کر کوارٹر فائنل میں جگہ بنالی
-
کپتان کی تبدیلی کی افواہیں، بابر اعظم کی چیئرمین پی سی بی محسن نقوی سے ملاقات
-
ممبئی انڈینز کے نئے کپتان پانڈیا کو شائقین کی جانب سے شدید تنقید کا سامنا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.