او جی ڈی سی ایل ایمپلائز ہاؤسنگ سکیم کیس،نائب تحصیلدار ‘ سوسائٹی ڈویلپر، 4افسرجسمانی ریمانڈ پر ایف آئی اے کے حوالے
منگل 26 جنوری 2016 20:14
اسلام آباد (اُردو پوائنٹ اخبارتازہ ترین - آن لائن۔26 جنوری۔2016ء) اسلام آباد کی ضلعی عدالت نے 62 کروڑ روپے کی او جی ڈی سی ایل ایمپلائز ہاؤسنگ سکیم اراضی سکینڈل کیس میں نائب تحصیل دار ‘ سوسائٹی ڈویلپر سمیت او جی ڈی سی ایل کے چار افسران کو جسمانی ریمانڈ پر ایف آئی اے کے حوالے کردیا۔ تفصیالت کے مطابق منگل کے روز سینیئر سول جج عبدالغفور کاکڑ نے او جی ڈی سی ایل کے چار افسران عرفان بابر‘ پریذیڈنٹ او جی ڈی سی ایل ای سی ایچ ایس محمد رشید جنجوعہ‘ جنرل سیکرٹری او جی ڈی سی ایل ای سی ایچ ایس سید آفتاب احمد‘ فنانس سیکرٹری ای سی ایچ ایس محمد رشید ایگزیکٹو ممبر ای سی ایچ ایس اور نائب تحصیل دار عدنان رشید کیانی کے مقدمے کی سماعت کی۔
سماعت کے دوران ملزمان کے وکیل نے عدالت کو بتایا کہ ملزمان کے خلاف 2013 ء میں مقدمہ درج ہوا تھا تین سال گزرنے کے باوجود ایف آئی اے ملزمان کے خلاف کوئی ثبوت نہیں لاسکی۔(جاری ہے)
لہذا ملزمان کو جوڈیشل ریمانڈ پر جیل بھیجوایا جائے ۔ محمد رشید کے وکیل نے عدالت نے استدعا کی کہ محمد رشید کے بیٹے کی شادی ہے ملزم کو دو دن کیلئے ضمانت پر رہا کیا جائے تاکہ ملزم اپنے بیٹے کی شادی میں شرکت کرسکے۔
ایف آئی اے کے تفتیشی آفیسر چوہدری توقیر نے عدالت کو بتایا کہ ملزمان کے اوپر او جی ڈی سی ایل ایمپلائز ہاؤسنگ سوسائٹی کیلئے مختص باسٹھ کروڑ روپے کے فنڈ میں کرپشن کا الزام ہے۔ ان ملزمان نے مہران انٹرنیشنل ویلی ڈویلپر نامی فرم جس کا سی ای او فیضان اعظم ہے سے مل کر ایمپلائز ویلفیئر ہاؤسنگ سکیم کی اراضی کیلئے مختص باسٹھ کروڑ روپے کی رقم میں خورد برد کیا ہے یہ ملزمان کا پہلا جسمانی ریمانڈ ہے ملزمان کو گزشتہ روز گرفتار کیا گیا ہے لہذا عدالت ملزمان سے تفتیش کیلئے ان کا چودہ روزہ جسمانی ریمانڈ منظور کرے۔ عدالت نے وکلاء کے دلائل سننے کے بعد تمام ملزمان کو 29 جنوری تک جسمانی ریمانڈ پر ایف آئی اے کے حوالے کردیا۔ واضح رہے کہ محمد رشید کے وکیل نے بیٹے کی شادی کیلئے دو دن کی ضمانت کی درخواست کی تھی جو عدالت نے مسترد کردی۔مزید اہم خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.