پاکستان میں مقیم15 لاکھ رجسٹرڈ افغان مہاجرین کے قیام کی مدت میں مزید دو سال کی توسیع کیلئے سمری تیار ، منظوری کیلئے جلد کابینہ میں پیش کی جائے گی ، ذرائع
31 دسمبر 2015ء کو مدت ختم ہونے پروزیر اعظم کی منظوری سے مہاجرین کے قیام میں 6ماہ کی توسیع کا نوٹیفکیشن جاری کیا گیا
بدھ 27 جنوری 2016 18:07
اسلام آباد(اُردو پوائنٹ اخبارتازہ ترین - آئی این پی۔27 جنوری۔2016ء) پاکستان میں مقیم15 لاکھ رجسٹرڈ افغان مہاجرین کے قیام کی مدت میں مزید دو سال کی توسیع کے لئے سمری تیار کر لی گئی ہے جو جلد کابینہ اجلاس میں منظوری کے لئے پیش کی جائے گی ، حکومت نے ایک نوٹیفکیشن کے ذریعے 30 جون 2016ء تک افغان مہاجرین کے قیام کی مدت میں توسیع کر رکھی ہے ، سرکاری اعداد و شمار کے مطابق پاکستان میں غیر قانونی طور پر مقیم افغانیوں کی تعداد بھی لاکھوں میں ہے جودہشت گردی سمیت منظم جرائم میں ملوث ہیں ان کو ملک بدر کرنے کی ذمہ داری وفاقی وزارت داخلہ اور صوبائی محکمہ داخلہ کے پاس ہے، سرکاری ذرائع کے مطابق ریاستوں اور سرحدی امور کی وزارت کی طرف سے پاکستان میں رجسٹرڈ مہاجرین جنھیں نادرا کی طرف سے رجسٹریشن کی تصدیق کے کارڈز (پی او آر) جاری کئے گئے ہیں کے قیام کی مدت دو سال تک بڑھانے کی سفارش کی جا رہی ہے اور اس سلسلے میں ایک سمری تیار کر لی گئی ہے جو جلد کابینہ کے اجلاس میں پیش کی جائے گی ،سمری کی منظوری کے بعد افغان مہاجرین کے قیام کی مدت میں توسیع کا نوٹیفکیشن جاری کیا جائے گا ، افغان مہاجرین کے قیام کی مدت 31 دسمبر 2015ء کو ختم ہو گئی تھی جس میں وزیر اعظم کی منظوری کے بعد 6ماہ کی توسیع کا نوٹیفکیشن 11 جنوری کو جاری کیا گیا تھا ، ذرائع کے اب ریاستوں اور سرحدی امور کی وزارت افغان مہاجرین کی واپسی کے منصوبے کے مطابق رجسٹریشن کی تصدیق کے کارڈز (پی او آر)میں دو سال کی توسیع چاہتی ہے تاکہ ان کی مرحلہ وار واپسی کو یقینی بنایا جا سکے، ذرائع کے مطابق ملک بھر میں لاکھوں کی تعداد میں غیر رجسٹرڈ افغان بھی قیام پذیر ہیں جو دہشت گردی سمیت منظم جرائم میں ملوث ہیں ان کی تلاش اور ملک بدر کرنے کی ذمہ داری وفاقی وزارت داخلہ اور صوبائی محکمہ داخلہ کو سونپی گئی ہے تاکہ ملک میں دہشت گردی سمیت دیگر جرائم کی وارداتوں پر قاباپایا جا سکے
متعلقہ عنوان :
مزید اہم خبریں
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.