عمران خان نوجوان فاسٹ باؤلرز ٹیلنٹ ہنٹ پروگرام کا آغاز کرینگے

جمعہ 29 جنوری 2016 11:16

لاہور (اردو پوا ئنٹ تازہ ترین اخبار29جنوری- 2016ء) سیاست کے میدان میں ٹف اپوزیشن کا کردار ادا کرنے والی پاکستان تحریک انصاف کرکٹ کے میدان میں بھی اتر آئی ، پی ٹی آئی پی سی بی کی پریشانی کو دور کرنے کے لیے بہترین فاسٹ باؤلر تلاش کرے گی جو مستقبل میں پاکستان کرکٹ کی نمائندگی کرے گا ، تحریک انصاف کے سربراہ اور قومی کرکٹ ٹیم کے سابق کپتان عمران خان کی ہدایت پر لاہور سے فاسٹ باؤلرز ٹیلنٹ ہنٹ پروگرام کا آغاز کر دیا ۔

(جاری ہے)

پہلے ٹیلنٹ ہنٹ پروگرام کا آغاز لاہور سے ہو گا اور پھر یہ سلسلہ گوجرانوالہ، فیصل آباد اور اسلام آباد تک پھیلایا جائے گا جس میں 16 سے 25 سال تک کی عمر کے نوجوان اپنی صلاحیتوں کا کھل کر اظہار کریں گے ۔ ٹیلنٹ ہنٹ پروگرام سے سامنے آنے والے پانچ بہترین باؤلرز کو سلیکٹ کر کے پی سی بی کو ریفر کیا جائے گا جنہیں سٹیٹ بینک کی جانب سے روزگار بھی ملے گا۔ اس سلسلے کا پہلا کیمپ 20 اور 21 فروری کو لاہور کے ایل سی سی اے گراؤنڈ میں لگے گا ۔