ایل جی : چوتھی سہ ماہی میں مجموعی طور پر سیلز 3.8 فیصد اضافے سے 12.57 ارب ڈالر رہی -آپریٹنگ منافع میں 57 فیصد اضافے اور چوتھی سہ ماہی میں 185.49 ملین ڈالر اضافے کا اعلان
میاں محمد ندیم جمعہ 29 جنوری 2016 17:19
لاہور(اردو پوائنٹ اخبارتازہ ترین-انٹرنیشنل پریس ایجنسی۔29 جنوری۔2016ء) ایل جی الیکٹرانکس (ایل جی) نے غیرمعمولی طور پر 27 فیصد زائد آپریٹنگ منافع کے ساتھ سال 2015 کی چوتھی سہ ماہی کے مالیاتی نتائج کا اعلان کردیا ہے۔ غیرآڈٹ شدہ اعداد و شمار کے مطابق ایل جی ہوم اپلائنس اینڈ ایئر سلوشن کمپنی نے بھی سال میں آپریٹنگ منافع میں 57 فیصد اضافے اور چوتھی سہ ماہی میں 185.49 ملین ڈالر اضافے کا اعلان کیا ہے۔
چوتھی سہ ماہی میں مجموعی طور پر سیلز 3.8 فیصد اضافے سے 12.57 ارب ڈالر رہی۔ سال 2015 ایل جی کے لئے کافی مقابلہ رہا۔ اس سال ایل جی کی مکمل آپریٹنگ آمدن 1.03 ارب ڈالر رہی۔ سال 2015 میں ٹی وی اور اسمارٹ فون کی عالمی مارکیٹ میں سست روی کے باعث پورے سال کی آمدن 48.8 ارب ڈالر رہی جبکہ سال 2014 میں یہ 50.98 ارب ڈالر تھی۔(جاری ہے)
ایل جی ہوم انٹرٹینمنٹ کمپنی نے سال 2015 کی چوتھی سہ ماہی میں 94.3 ملین ڈالر آپریٹنگ منافع رپورٹ کیا ہے۔
اس سہ ماہی میں اولیڈ اور یو ایچ ڈی ٹی وی کی فروخت کے باعث آمدن تیسری سہ ماہی کے مقابلے میں 11 فیصد اضافے سے 4.09 ارب ڈالر رہی تاہم گزشتہ سال کے مقابلے میں اس سال ٹی وی مارکیٹ میں کمزوری اور ناسازگار فارن ایکسچینج کے باعث آمدن میں کمی واقع ہوئی۔ سی ای ایس نمائش میں ایل جی کے نئے اولیڈ ٹی اور ایل جی سوپر 4Kالٹر ایچ ڈی (LG Super 4K Ultra HD )یونٹس بڑھتی مقبولیت کے باعث زیادہ آمدن کا امکان ہے۔ ایل جی اپنے ٹی وی مارکیٹنگ کے اقدامات اور معروف ریڈلے و جیک اسکاٹ کی جانب سے تیار کردہ پہلے مثالی سپر باو¿ل کمرشل میں وسعت لا رہا ہے۔ ایل جی موبائل کمیونکیشنز کمپنی نے گزشتہ سہ ماہی کے مقابلے میں 12 فیصد اضافے سے 3.26 ارب ڈالرز کی ٹھوس سیلز رپورٹ کیں۔ اس سہ ماہی میں 15.3 ملین ایل جی اسمارٹ فونز فروخت ہوئے جبکہ مجموعی طور پر پورے سال 59.7ملین اسمارٹ فونز فروخت ہوئے جو گزشتہ سال کے مقابلے میں معمولی زیادہ ہیں۔ سال 2016 کے دوران اسمارٹ فون کی مارکیٹ میں اعلیٰ معیار کے ماڈلز کی آمد اور قیمت کے اعتبار سے سخت مقابلے کے باعث آمدن میں اضافے کا امکان ہے۔ رواں سال قیمت کے اعتبار سے زیادہ قابل گنجائش کے حامل دو بنیادی اسمارٹ فونز کے متعارف ہونے سے منافع میں بہتری کا امکان ہے۔ ایل جی کی ہوم اپلائنس اینڈ ایئرسلوشن کمپنی نے سال 2015 کی چوتھی سہ ماہی میں سیلز کی شرح میں گزشتہ سال اسی عرصے کے مقابلے میں معمولی اضافہ رپورٹ کیا ۔ جنوبی کوریا میں ٹوئن واش واشنگ مشین (TWIN Wash washing machines) اور اعلیٰ معیار کے ریفریجریٹرز کی مقبولیت کے باعث گزشتہ سال اسی عرصے کے مقابلے میں آمدن میں 13 فیصد اضافہ ہوا۔ جنوبی امریکہ، مشرق وسطیٰ اور دولت مشترکہ کی خودمختار ریاستوں میں کمزور سیلز ہوئی تاہم شمالی امریکہ اور یورپ کی مارکیٹوں میں بھرپور سیلز سے سہارا ملا۔ اس سہ ماہی میں آپریٹنگ منافع 185.49 ملین ڈالر رہا اور مجموعی طور پر سال بھر کا آپریٹنگ منافع 847.75 ملین ڈالر رہا۔ سال 2016 میں ایل جی سگنیچر (LG SIGNATURE) کی اعلیٰ معیار کی حامل مصنوعات کے متعارف ہونے سے ہوم اپلائنسز کے میدان میں ایل جی کے برانڈ کو مختلف مارکیٹوں میں ازسرنو قوت فراہم ہوگی۔ ایل جی ویہکل کمپونینٹس کمپنی (LG Vehicle Components Company)نے گزشتہ سہ ماہی کے مقابلے میں اس بار بڑھتے ہوئے انفوٹینمنٹ بزنس کے باعث 449.4 ملین ڈالر کی سیلز رپورٹ کیں۔ سال 2015 کی ہر سہ ماہی میں بڑھتی آمدن کے ساتھ کمپنی نے 1.58 ارب ڈالر کی مضبوط سیلز رپورٹ کیں۔ سال 2016 میں ایل جی کو اسمارٹ کار اور الیکٹرک گاڑی کے پرزوں کے کاروبار میں اضافے کا امکان ہے جس میں ایل جی جنرل موٹرز کی جانب سے شیورلیٹ بولٹ الیکٹک کار (Chevrolet Boltelectric car) کیلئے مشترکہ کاوش ہے۔ ایل جی کا منصوبہ ہے کہ اس طرح کی شراکت داریوں میں اضافی تعاون فراہم کرکے برتری قائم رکھے۔متعلقہ عنوان :
مزید اہم خبریں
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.