وفاقی پولیس نے مولانا عبد العزیز کے گھر کی طرف جانے والے راستوں کو سیل کر دیا،جامعہ حفصہ جانے والوں کی تلاشی ، ریکارڈ مرتب ، پولیس اور رینجرز کی ناکہ بندی اور پوچھ گچھ کے باعث علاقہ مکین پریشان
مولانا عبد العزیزکا تھانہ آبپارہ میں اپنے خلاف درج مقدمے میں ضمانت کرانے پر غور
ہفتہ 30 جنوری 2016 17:41
اسلام آباد(اُردو پوائنٹ اخبارتازہ ترین - آئی این پی۔30 جنوری۔2016ء) وفاقی پولیس نے جامعہ حفصہ اور لال مسجد کے سابق خطیب مولانا عبد العزیز کے گھر کی طرف جانے والے راستوں کو سیل کر دیا ‘جامعہ حفصہ جانے والوں کی تلاشی لی جا رہی ہے اور پولیس نے ان کا ریکارڈ مرتب کرنا شروع کر دیا ہے۔ ہفتہ کو ذرائع کے مطابق وزارت داخلہ کی ہدایت پر اسلام آباد کے سیکٹر جی سیون میں جامعہ حفصہ اور لال مسجد کے سابق خطیب مولانا عبد العزیز کے گھر کی طرف جانے والے راستوں پر پولیس اور رینجرز کی بھاری نفری تعینا ت کر دی گئی ہے۔
علاقہ مجسٹریٹ کی موجودگی میں پولیس نے ان تین گلیوں میں ناکے لگا دیے ہیں جو جامعہ حفصہ کی طالبات کی گزر گاہیں ہیں۔ اس موقع پر انٹیلی جنس اداروں کے اہلکار بھی علاقے میں خفیہ نگرانی کے لئے موجود تھے۔(جاری ہے)
خواتین کی سرچنگ کے لئے لیڈیز پولیس اہلکار تعینات کی گئی تھیں۔ذرائع کے مطابق جامعہ حفصہ میں جانے والوں کا ریکارڈ مرتب کیا جا رہا ہے تاکہ کسی بھی ممکنہ کارروائی کی صورت میں پولیس کو طالبات کی تعداد اور ان کے دیگر کوائف سے آگاہی ہو ۔
دوسری طرف پولیس اور رینجرز کی ناکہ بندی کے باعث علاقہ مکین بھی پریشان ہیں کیونکہ انہیں بھی آمد و رفت کے دوران پولیس سے پوچھ گچھ کے عمل سے گزرنا پڑ رہا ہے۔ذرائع کے مطابق مولانا عبد العزیز تھانہ آبپارہ میں اپنے خلاف زیر دفعہ ایک سے نو درج مقدمے میں ضمانت کرانے پر غور کر رہے ہیں تاکہ کسی بھی ممکنہ گرفتاری سے بچ سکیں۔مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.