بلوچستان میرے دل کے قریب امن و خوشحالی اولین ترجیح ہے، نواز شریف
صوبے کی ترقی وفاقی حکومت کے ایجنڈے میں سرفہرست رہے گی، اقتصادی راہدری منصوبے کی تکمیل سے بلوچستان میں ترقی کے سفر کا اغاز ہو گا، وزیراعظم کا سپیکر بلوچستان اسمبلی سے ملا قات میں اظہا ر خیال
منگل 2 فروری 2016 12:22
اسلام آباد (اُردو پوائنٹ اخبارتازہ ترین - آن لائن۔02 فروری۔2016ء) وزیراعظم نواز شریف نے کہا ہے کہ بلوچستان میرے دل کے قریب امن و خوشحالی اولین ترجیح ہے، صوبے کی ترقی وفاقی حکومت کے ایجنڈے میں سرفہرست رہے گی ،ان خیالات کا اظہار انہوں نے منگل کے روز سپیکر بلوچستان اسمبلی راحیلہ حمید درانی سے گفتگو کرتے ہوئے کیا ،ترجمان وزیراعظم ہاؤس کی جانب سے جاری بیان کے مطابق سپیکر صوبائی اسمبلی راحیلہ حمید درانی نے وزیراعظم ہاؤس میں وزیراعظم محمدنواز شریف سے ملاقات کی ہے اورصوبائی اسمبلی کی پارلیمانی کارروائی سے آگا ہ کیا ہے جبکہ اس موقع پر دونوں کے درمیان بلوچستان میں امن و امان اور ترقیاتی منصوبوں سے متعلق امور پر بھی گفتگو کی ہے ، اس موقع پر وزیراعظم نوازشریف نے راحیلہ حمید درانی کو سپیکر بلوچستان اسمبلی منتخب ہونے پر مبارکباد پیش کی ہے اور کہا کہ صوبائی اسمبلی کی پہلی خاتون سپیکر منتخب ہونا اعزاز کی بات ہے ،امید ہے راحیلہ درانی ایوان کو احسن انداز میں چلانے میں اپنا کردار ادا کریں گی ،وزیراعظم نے کہا کہ سکیورٹی اداروں کی کاوشوں سے بلوچستان میں امن امان کی صورتحال بہتر ہو ر ہی ہے ، بہت جلد بلوچستان پاکستان کے دیگر علاقوں کی طرح پر امن صوبہ ہو گا ،وفاقی حکومت صوبے کی ترقی پر خصوصی توجہ دے رہی ہے گوادر سمیت بلوچستان کے دیگر علاقوں کو پاکستان کے دیگر بڑے شہروں کی طرح بنائیں گے ، پاک چین اقتصادی راہدری منصوبے کی تکمیل سے بلوچستان میں ترقی کے سفر کا اغاز ہو گا ، یہ بلوچستان سمیت خطے کے تمام ممالک کے خوشحالی کا پیغام ہے ،انہوں نے کہا کہ بلوچستان میرے دل کے قریب ہے اور حکومت کے ترقیاتی ایجنڈے میں سر فہرست رہے گا ،اس موقع پر سپیکر صوبائی اسمبلی نے بلوچستان کی ترقی میں خصوصی دلچسپی دینے پر وزیراعظم کا شکریہ ادا کیا ہے۔
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.