سی ڈی اے مزدور یونین کا پی آئی اے ملازمین سے اظہار یکجہتی
مذاکرات کے ذریعے مسائل کا بہتر حل نکالتے ہوئے محنت کشوں کے تحفظات دور کئے جائیں، مرکزی عہدیداران
بدھ 3 فروری 2016 19:37
اسلام آباد (اُردو پوائنٹ اخبارتازہ ترین - این این آئی۔03 فروری۔2016ء) سی ڈی اے مزدور یونین (سی بی اے ) چوہدری محمد یسیٰن گروپ کے مرکزی عہدیداران میں شامل جنرل سیکرٹری چوہدری محمد یسیٰن ،صدر اورنگزیب خان ،چیئرمین راجہ شاکر زمان کیانی ،سپریم ہیڈ صوفی محمود علی و دیگر نے پی آئی اے ملازمین کی جانب سے کراچی میں نکالی جانے والی پر امن احتجاجی ریلی میں ملازمین کے جاں بحق ہونے پر سخت تشویش کا اظہار کرتے ہوئے کہا کہ احتجاج جمہوری روایت کا حصہ ہے جبکہ پی آئی اے کے پرامن ملازمین کی نجکاری کے خلاف احتجاجی ریلی پر واٹر کینن ،لاٹھی چارج کا استعمال ، فائرنگ کا واقعہ اورتشدد کا رحجان قابل مذمت ہے ،اس واقعے میں جہاں قیمتی جانوں کا ضیاع ہوا وہاں حکومت کی نیک نامی بھی سوالیہ نشان بن گئی ،ہمارے ملک کا آئین اور پارلیمنٹ ہر محنت کش تنظیم کو اپنے حقوق کی خاطر احتجاج کا حق دیتا ہے اور حکومت پاکستان نے آئی ایل او کنونشن کے تحت اس حق کو تسلیم کیا ہے ،پی آئی اے ملازمین کے مسلسل احتجاج سے جہاں ادارے اور قومی خزانے کو نقصان ہو رہا ہے وہاں ملازمین پر تشدد نے حکومت کے خلاف نفرت کی فضا کو ابھارا ہے ،ہم وزیر اعظم پاکستان میاں محمد نوازشریف سے اپیل کرتے ہیں کہ وہ ذاتی دلچسپی لیتے ہوئے ادارے میں موجود ملازمین کے منتخب نمائندوں اور ایکشن کمیٹی کے اراکین سے بات چیت و مذاکرات کے ذریعے مسائل کا بہتر حل نکالتے ہوئے محنت کشوں کے تحفظات کو دور کرے ،سی ڈی اے مزدور یونین پی آئی اے ،واپڈا ،اوجی ڈی سی سمیت تمام قومی اداروں کی نجکاری کے خلاف ہے اور ہمارامطالبہ ہے کہ اس واقعے کی مکمل تحقیقات کی جائیں اور قومی اداروں کی نجکاری کی بجائے وہاں موجودہ انتظامی خرابیوں کو دور کر کے اداروں کی حالت کو بہتر بنایا جائے ،سی ڈی اے مزدور یونین اس واقعے کی شدید مذمت کرتی ہے اور دکھ کی اس گھڑی میں پی آئی اے ملازمین کے ساتھ مکمل طور پر اظہار یکجہتی کرتی ہے ۔
مزید اہم خبریں
-
خیبر پختونخوا کے نوجوانوں کو ہنر مند بنانے کا یورپی منصوبہ
-
روزمرہ کی زندگی میں جدوجہد کرتی افغان خواتین
-
وزیراعلی مریم نواز نے سکولوں میں سٹیلائٹ انٹرنیٹ پائلٹ پراجیکٹ کا افتتاح کردیا
-
سونے کی فی تولہ قیمت میں 4 ہزار 600 روپے کا بڑا اضافہ ہوگیا
-
ملک میں مہنگائی کی مجموعی شرح کم ہوکر 22.32 فیصد کی سطح پر آگئی
-
صوبے کے عوام کو چور نہ کہا جائے،ایسی گفتگو برداشت نہیں کی جائیگی،علی امین گنڈا پور
-
بھارتی انتخابات: کشمیر میں امیدوار کھڑا نہ کرنے کی حکمت عملی
-
گورنر سندھ کے معاملے پر ہم نے مسلم لیگ ن سے کوئی گارنٹی نہیں مانگی، خالد مقبول
-
عازمین حج پاکستان کے سفیر بن کر جائیں اور وہاں ڈسپلن کا خیال رکھیں ، چیئرمین سینیٹ
-
فرانس ، پاکستانی سفیرعاصم افتخار احمد کا سینڈیلن میں پاکستان کے ایونٹنگ پیرس اولمپکس تربیتی کیمپ کا دورہ،کوچ پیئرڈیفرنس سے ملاقات
-
رفح سے فلسطینی شہریوں کا انخلا
-
کوپ 29 کے نتیجے میں ترقی پذیر ممالک کو موسمیاتی تبدیلیوں سے نمٹنے کیلئے مالیاتی ضروریات پورا کرنے میں مدد ملے گی، صدر مملکت آصف علی زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.