الگ شو شروع کرنے پر کپل شرما اور کرشنا میں سرد جنگ جاری
میرانہ تو کپل شرما سے کوئی مقابلہ ہے اور نہ ہی میں ان سے ڈرتا ہوں‘کرشنا ابھیشک
جمعرات 4 فروری 2016 11:46
ممبئی (اُردو پوائنٹ اخبارتازہ ترین - این این آئی۔04 فروری۔2016ء)بھارتی معروف مزاحیہ شو ”کامیڈی ناٹس ود کپل“ کے میزبان کپل شرما کی جگہ لینے والے نئے میزبان کرشنا ابھیشیک کا کہنا ہے کہ نہ تو ان کا کپل شرما سے کوئی مقابلہ ہے اور نہ ہی وہ ان سے ڈرتے ہیں۔کرشنا اور کپل نے 2007 میں ایک ساتھ کامیڈی سرکس میں کام کیا جس کے بعد دونوں اچھے دوست بن گئے تھے، دونوں کے درمیان سرد جنگ اس وقت شروع ہوئی جب کپل شرما نے اپنا الگ شو کامیڈی نائٹس ود کپل شروع کردیا، کچھ عرصے بعد کرشنا نے بھی اسی چینل پر کامیڈین بھارتی کے ہمراہ کامیڈی نائٹ بچاوٴ میں کام کرنا شروع کیا اور اب کرشنا نے کامیڈی نائٹس میں کپل کی جگہ لے لی ہے۔
اپنے ایک انٹرویومیں کرشنا کا اپنے شو کامیڈی نائٹس بچاوٴ کے حوالے سے کہنا تھا ’ایک کامیاب شو کرنے کے بعد مجھے خود کو دوبارہ ثابت کرنا تھا، میں شائقین کے ردعمل سے کافی نروس تھا، کچھ کا ایسا بھی کہنا تھا کہ شو ہٹ نہیں ہوگا البتہ لوگوں کو انٹرٹینمنٹ کی ضرورت ہوتی ہے اور کم وقت میں انہوں نے میرا شو پسند کرلیا۔(جاری ہے)
کپل شرما کا ذکر کرتے ہوئے کرشنا کا کہنا تھاکہ مجھے یہ سن کر حیرت ہوئی تھی جب مجھے معلوم ہوا کہ کپل کی جگہ مجھے ان کا شو کرنا ہے لیکن میں اتنے بڑے شو کو کیوں جانے دیتا؟ میں کپل کا مداح ہوں، میں نے ان سے بہت کچھ سیکھا ہے، میں ایک اداکار ہوں جبکہ وہ ایک کامیڈین۔
نہ میرا ان سے کوئی مقابلہ ہے اور نہ ہی میں ان سے ڈرتا ہوں۔کپل سے سرد جنگ کی وجہ بتاتے ہوئے کرشنا کا کہنا تھاکہ جب کپل نے اپنا شو شروع کیا تو انہوں نے مجھے بھی اس میں بلایا تاہم میں نے انکار کردیا کیوں کہ اس میں برابری کا درجہ نہیں دیا جارہا تھا اور تب ہمارا رشتہ خراب ہوا۔ مجھے اس شو پر اپنی فلم انٹرٹینمنٹ کی تشہیر کے لیے بھی دعوت نہیں دی گئی۔ ہم ایک دوسرے کی عزت کرتے ہیں لیکن اب ہم دونوں دوست نہیں۔مزید فن و فنکار کی خبریں
-
سلمان خان فائرنگ کے واقعے کے بعد دبئی روانہ
-
میرے لیے ایم فِل کی ڈگری لینا بائیں ہاتھ کا کھیل ہے: حریم شاہ
-
عالمی شہرت یافتہ اداکار و کمپیئر معین اخترکی 13ویں برسی22اپریل کومنائی جائے گی
-
نینا گپتا اورویوین رچرڈز کی بیٹی مسابا کے ہاں ننھے مہمان کی آمد متوقع
-
50 سال سے زائد عمر کی خواتین سرخ لپ اسٹک لگاتے ہوئے شرماتی ہیں، ٹوئنکل کھنہ
-
فلم کی کمائی کے پہلے چیک سے چائے اور پکوڑے والے کا ادھار چکایا تھا،منوج باجپائی
-
سلمان خان اگلے ماہ فلم سکندر کی شوٹنگ کا آغاز کریں گے
-
بھارتی اداکارہ شلپا شیٹھی کے شوہر کی کروڑوں کی جائیداد ضبط
-
اپنے لیے خود کھڑی ہوں، کہیں سے مدد نہیں آئیگی، مایا خان کا خواتین کو مشورہ
-
میں نے کبھی دوبارہ شادی کرنے کا سوچا بھی نہیں، ابرارالحق
-
سلمان خان کی رہائش گاہ پر فائرنگ کیلئے 4 لاکھ کی ڈیل تھی، ملزمان کا انکشاف
-
سلمان خان کے گھر کے باہر سیکیورٹی بڑھادی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.