اسلام آباد کے تعلیمی اداروں میں تدریسی اور غیر تدریسی عملہ کو مستقل کرنے کیلئے پالیسی بنائی جائے ، سیکٹر ڈی 12 میں ترقیاتی کام 30 جون 2016ء تک مکمل کئے جائیں
سینٹ کی خصوصی کمیٹی برائے کابینہ سیکرٹریٹ کی وزارت کیڈ کو ہدایت
جمعرات 4 فروری 2016 22:08
اسلام آباد ۔ 4 فروری (اُردو پوائنٹ اخبارتازہ ترین - اے پی پی۔04 فروری۔2016ء) سینٹ کی خصوصی کمیٹی برائے کابینہ سیکرٹریٹ نے وزارت کیڈ پر زور دیا ہے کہ وہ اسلام آباد کے تعلیمی اداروں میں تدریسی اور غیر تدریسی عملہ کو مستقل کرنے کیلئے پالیسی بنائے جبکہ اسلام آباد کے سیکٹر ڈی 12 میں ترقیاتی کام مکمل کرنے کیلئے 30 جون 2016ء کی ڈیڈ لائن دیدی۔ کمیٹی کا اجلاس جمعرات کو پارلیمنٹ ہاؤس میں سینیٹر طلحہ محمود کی صدارت میں منعقد ہوا جس میں سینیٹر میر محمد یوسف بادینی، کامل علی آغا، نجمہ حمید، حاجی سیف اللہ خان بنگش نے شرکت کی۔
اجلاس کے دوران کمیٹی نے سفارش کی کہ تمام اساتذہ کو بغیر کسی امتیاز کے مستقل کیا جائے کیونکہ یہ تمام اساتذہ باصلاحیت اور اپنی ڈیوٹی ذمہ داری کے ساتھ سرانجام دے رہے ہیں۔(جاری ہے)
کمیٹی نے کہا کہ اساتذہ کو عزت دینا ریاست کی ذمہ داری ہے۔ اساتذہ کے وفد نے کمیٹی کو بتایا کہ موجودہ حکومت کے دور میں 2 ہزار سے زائد ڈیلی ویجز اور کنٹریکٹ ملازمین مستقل کئے گئے ہیں تاہم اساتذہ کو ابھی تک ان مسائل کا سامنا ہے اور 600 اساتذہ اور 1500 غیر تدریسی سٹاف اس وقت بھی اپنی ملازمتوں کے تحفظ کا مطالبہ کر رہا ہے۔
کمیٹی نے اتفاق رائے سے سول سرونٹ ترمیمی بل 2015ء کی منظوری دی۔ کمیٹی نے گلگت بلتستان کے علاقے میں این ڈی ایم اے کی بہترین کارکردگی کو بھی سراہا۔ کمیٹی نے سیکٹر ڈی 12 میں 2005ء سے ترقیاتی کام کی سست رفتاری پر سخت تشویش کا اظہار کیا۔ سی ڈی اے کے حکام نے کمیٹی کو یقین دہانی کرائی کہ بقیہ ترقیاتی کام جلد سے جلد مکمل ہو جائے گا جبکہ کمیٹی نے 30 جون 2016ء تک ترقیاتی کام مکمل کرنے کی ڈیڈ لائن دیدی۔متعلقہ عنوان :
مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.