رنبیر اور کترینہ میں دوریاں ختم کروانے باربی ڈول کی والدہ میدان میں آگئیں

اداکارہ کترینہ کی والدہ کی رنبیر کی والدہ سے نیتو سنگھ سے دونوں میں اختلافات ختم کرانے کی درخواست

جمعہ 5 فروری 2016 12:10

رنبیر اور کترینہ میں دوریاں ختم کروانے باربی ڈول کی والدہ میدان میں ..

ممبئی(اُردو پوائنٹ اخبارتازہ ترین - این این آئی۔05 فروری۔2016ء) بالی ووڈ کے چاکلیٹی ہیرو رنبیر کپور اور باربی ڈول کے نام سے مشہور اداکارہ کترینہ کیف نے ایک دوسرے سے کنارہ کشی اختیار کرلی ہے جس کے بعد اب باربی ڈول کی والدہ سوزین دونوں اداکاروں میں غلط فہمیاں دورکرانے کے لیے میدان میں آگئی ہیں۔رنبیر کپور اور کترینہ کیف کے درمیان معاشقے کی خبریں طویل عرصہ زبان زدعام رہی ہیں جب کہ دونوں اداکاروں کی کئی دنوں سے ایک دوسرے سے کنارہ کشی اختیار کرنے کی خبروں کے چرچے ہیں جس کے بارے میں دونوں اداکار لب کشائی کرنے سے کترا رہے ہیں تاہم دونوں میں اختلافات ختم کرانے کے لیے کترینہ کیف کی والدہ میدان میں آگئی ہیں۔

میڈیا رپورٹس کے مطابق کترینہ کیف کی والدہ رنبیر اور کترینہ میں اختلافات ختم کرانے کی کوششوں میں مصروف ہیں جس کے لیے انہوں نے رنبیر سے بات کرنے کی کوشش کی تو رنبیر نے ان سے بات کرنے سے انکار کردیا جس کے بعد انہوں نے ادکار کی والدہ نیتو سنگھ کو فون کیا اور دونوں میں اختلافات ختم کرانے کی درخواست کی تاہم نیتو سنگھ نے رنبیر کی کترینہ سے علیحدگی کوذاتی فیصلہ قرار دے کر مداخلت کرنے سے انکار کردیا ہے جس کے بعد دونوں اداکاروں کی جوڑی میں اختلافات ختم کرنے کا آخری موقع بھی ضائع ہوگیا ہے۔

(جاری ہے)

واضح رہے کہ اداکار رنبیر کپور اور کترینہ کیف کی ایک دوسرے سے کنارہ کشی کے باعث فلم”جگاجاسوس“ کی شوٹنگ بھی رک گئی ہے۔

Facebook Twitter Google + Share on Whatsapp

رنبیر اور کترینہ میں دوریاں ختم کروانے باربی ڈول کی والدہ میدان میں آگئیں

اداکارہ کترینہ کی والدہ کی رنبیر کی والدہ سے نیتو سنگھ سے دونوں میں اختلافات ختم کرانے کی درخواست

مزید فن و فنکار کی خبریں