قومی اسمبلی کی خصوصی کمیٹی برائے کشمیر کے اجلاس میں یوم یکجہتی کے حوالے سے قرداد متفقہ طور پر منظور
جمعہ 5 فروری 2016 12:48
اسلام آباد (اُردو پوائنٹ اخبارتازہ ترین - آئی این پی۔05 فروری۔2016ء) قومی اسمبلی کی خصوصی کمیٹی برائے کشمیرکا اجلاس کمیٹی کے چیئرمین مولانا فضل الرحمن کی سربرا ہی میں مظفر آباد (آزادسیاست جموں وکشمیر)میں منعقد ہوئی جس میں یوم یوم یکجہتی کی مناسبت سے حوالے سے قرداد پیش کی گئی جس کو متفقہ طور پر منظور کر لیا گیا۔ قرارداد کے متن میں کہا گیا کہ یکجہتی کشمیر کی مناسبت سے خصوصی پارلیمانی کمیٹی برائے کشمیر مقبوضہ کشمیر میں بھارتی قبضے سے آزادی کی مقد س جدو جہد میں مصروف اپنے بھائیوں کے ساتھ غیر متزلزل یکجہتی کا اظہار کرتی ہے ۔
بھارتی چنگل سے آزادی کے جائز حق کی خاطر اپنی جانوں کا نذرانہ پیش کرنے والے شہداء کو خراج عقیدت پیش کرتی ہے۔ سات لاکھ سے زائد بھارتی سیکیورٹی فورسز کی جانب سے بدترین ظلم و ستم کے باوجود بھارتی مقبوضہ جموں و کشمیر کے بہادر عوام کی مسلسل جدوجہداُن کی حوصلہ مندی اور جرات کو سلام پیش کرتی ہے۔(جاری ہے)
بھارتی مقبوضہ جموں وکشمیر میں انسانی حقوق کی وسیع پیمانے پر خلاف ورزیوں کی پرزور مذمت کرتی ہے۔
جموں وکشمیر کے تنازعہ کا اقوام متحدہ کی متعلقہ قرار داد وں کے مطابق پرُامن حل کا مطالبہ کرتی ہے۔ا س امر کا اعادہ کرتی ہے کہ غیر ملکی قبضہ کے تحت ہونے والے کسی قسم کے سیاسی عمل / انتخابات سلامتی کونسل کی متعلقہ قراردادوں میں فراہم کردہ جموں وکشمیر کے عوام کے حق خودارادیت کے استعمال کا متبادل نہیں ہو سکتے۔بھارتی حکومت پر زور دیتی ہے کہ وہ جموں و کشمیر پر اقوام متحدہ کی سلامتی کونسل کی متعدد زیر التواء قرار دادوں پر فوری طور پرعمل درآمد کرے جو اقوام متحدہ کے زیر اہتمام ایک آزاد و غیر جانبدار استصواب رائے کے انعقاد کا مطالبہ کرتی ہیں تا کہ ریاست جموں و کشمیر کے حتمی حل کے حوالے سے عوام کی خواہش کا تعین ہو جائے۔بھارتی حکومت سے مطالبہ کرتی ہے کہ وہ بھارتی مقبوضہ جموں و کشمیر کے عوام کے انسانی حقوق کا احترام کرے۔بھارت سے مزید مطالبہ کرتی ہے کہ وہ حقوق انسانی کے بین الاقوامی گروپوں اور رفاہ عامہ کی تنظیموں کو بھارتی مقبوضہ جموں وکشمیر کا دورہ کرنے اجازت دے ۔ مسئلہ جموں وکشمیر کے پرامن حل کے سلسلے میں حکومت پاکستان کی موجودہ کوششوں یعنی تمام ممکنہ ذرائع بشمول جموں وکشمیرکے عوام کی امنگوں کے مطابق بھارت کے ساتھ براہ راست دوطرفہ مذاکرات کی حمایت کرتی ہے ۔ بھارتی حکومت سے مزید مطالبہ کرتی ہے کہ کشمیر میں گمنام قبروں کی غیر جانبدارانہ تحقیقات کی اجازت دے اور ان قبروں کے مقامات کو محفوظ کرنے اورمتوفی افراد کی شناخت کے تعین کے لیے غیر جانبدار فرانزک ماہرین کے ذریعے تحقیقات کرانے کی ضرورت کا مطالبہ کرتی ہے ۔کشمیری عوام کے لاینفک حق خودارادیت کے حصول کے لیے ان کی جرات مندانہ جدو جہد کو ہماری غیرمتزلزل سیاسی ، اخلاقی اور سفارتی حمایت جاری رکھنے کا عہد کرتی ہے ۔اس امر پر متفق ہے کہ کشمیرکا تنازعہ پاکستان ۔بھارت تعلقات میں مرکزی حیثیت کا حامل ہے اور جنوبی ایشیاء میں پائیدارامن کے لیے اس کا حل ناگزیر ہے ۔بین الاقوامی برادری پر زور دیتی ہے کہ وہ اقوام متحدہ کی سیکیورٹی کونسل کی قرار دادوں کے ذریعے جموں و کشمیر کے عوام سے کئے گئے وعدوں کو ایفا کرے اور بین الا قوامی برادری پر مزید زور دیتی ہے کہ وہ بھارتی جموں وکشمیر میں بھارتی سیکیورٹی ایجنسیوں کی جانب سے کی جا رہی انسانی حقوق کی خلاف ورزیوں کا نوٹس لے ۔اجلاس میں شرکت کرنے والے کمیٹی کے ممبران محمداعجازالحق ،ملک ابرار ،شکیلہ لقمان ،ملک شاکر بشیر اعوان،عبدالستار بچانی، انجینئر داور خان کنڈی ،سردارمحمدشفقت خان ،غلام محمد لالی ،راناعمر نذیر ،اظہر قیوم نہرا،چوہدری افتخار نذیر صاحب نے شرکت کی ۔اجلاس میں سپیکر ریاست آزادجموں وکشمیراسمبلی ،سردار غلام صادق اور ڈپٹی سپیکر ،شاہین کوثر ڈارنے خصوصی دعوت پر اجلاس میں شرکت کی ۔اجلاس کے بعدکمیٹی کے چیئرمین مولانا فضل الرحمن نے گلگت بلتستان کے ایک وفد سے ملاقات کی جس میں مجموعی صورتحال پر تبادلہ خیال ہوا ۔ چیئرمین کی جانب سے آزاد کشمیر کے رہنماوں کے اعزاز میں عشائیہ بھی دیاگیا۔متعلقہ عنوان :
مزید اہم خبریں
-
یو این رکنیت کی ناکام فلسطینی کوشش پر جنرل اسمبلی میں بحث
-
عالمی مارکیٹ میں خام تیل کی قیمتیں کم ہو گئیں
-
حکومت کو سمجھائیں گے کہ نجکاری کی بجائے پبلک پرائیویٹ پارٹنرشپ کی طرف بڑھیں
-
خیبرپختونخواہ حکومت کا پنجاب کے کسانوں سے گندم خریدنے کا فیصلہ
-
ظلم کے خلاف اورعادلانہ نظام کے لیے جدوجہد جھاد ہے،سراج الحق
-
اسرائیل کو تسلیم کرنے والی پارلیمنٹ کی اینٹ سے اینٹ بجا دی جائے گی‘مولانا فضل الرحمن
-
ابوظہبی بین الاقوامی کتاب میلہ میں پاکستان کے ادبی شاہکار اور فنکار ادب وفن کے مداحوں کی توجہ کا محور
-
کلر کہار کے قریب خاتون کی موٹروے پولیس افسران سے بدتمیزی
-
سید یوسف رضا گیلانی نے سینئر افسر سید حسنین حیدر کو سیکرٹری سینیٹ مقرر کر دیا
-
پیپلز پارٹی نے ہمیشہ مزدوروں کے حقوق کی بات کی ہے ،بلاول بھٹو زرداری
-
گورنرسندھ کی کراچی یونین آف جرنلسٹس کے منتخب عہدیداروں کو مبارک باد
-
غزہ: جنگ بندی کے مذاکرات کے دوران اسرائیلی حملے جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.