عمران خان کو آئندہ انتخابات میں وزیر اعظم بننے سے دنیا کی کوئی طاقت نہیں روک سکتی ،چوہدری محمدسرور
عمر جمشید پیر 8 فروری 2016 16:17
لاہور(اُردو پوائنٹ تازہ ترین ۔۔ آئی پی اے ۔۔ 08 فروری۔2015ء) تحریک انصاف پنجاب کے سابق آرگنائزر چوہدری محمدسرورنے کہاہے کہ حکمرانوں کو چیلنج کر تاہوں وہ جو مر ضی کہیں عمران خان کو آئندہ انتخابات میں وزیر اعظم بننے سے دنیا کی کوئی طاقت نہیں روک سکتی ‘تحر یک انصاف عوام کے ووٹوں سے اقتدار میں آئیگی ‘حکومتی وزراء تحر یک انصاف کی مقبولیت سے خوفزدہ ہیں مگر عوام انکے جھانسے میں نہیں آئیگی ‘تحر یک انصاف کی حکومت خیبر پختونخواہ میں حقیقی تبدیلی لیکر آئی ہے مگر پنجاب میں آج بھی جرائم پیشہ لوگوں کا راج ہے حکومت نام کی کوئی چیز نظر نہیں آتی ۔
وہ اپنے دفتر میں لاہور ‘قصور اور شیخوپورہ کے پارٹی عہدیداروں کے مشاورتی اجلاس سے خطاب اور بعدازں میڈیا سے گفتگو کر رہے تھے ۔(جاری ہے)
چوہدری محمدسرور نے کہا کہ عمران خان بالکل سچ کہتے ہیں کہ وہ اس ملک کے وزیر اعظم بنیں گے کیونکہ پاکستان کے 20کروڑ عوام تبدیلی کی جنگ میں عمران خان کے ساتھ ہیں ۔ انہوں نے کہا کہ عمران خان سے بڑاسچا اور مخلص سیاسی لیڈر کوئی اور نہیں ہے اور تحر یک انصاف اقتدار میں میٹروسمیت دیگر منصوبوں میں لوٹ مار کر نیوالے حکمرانوں سے پائی پائی وصول کر یں گی اور کر پشن کرنیوالوں کو ہمیشہ کیلئے جیلوں میں ڈالا جائیگا۔
انہوں نے کہا کہ تحر یک انصاف کے پارٹی انتخابات بروقت اور مکمل طور پر شفاف ہوں گے تحر یک انصاف کے پارٹی انتخابات کیلئے ممبر شپ کا میابی کے ساتھ جاری ہے اور اپر یل میں تحریک انصاف کے پارٹی انتخابات مکمل ہو جائیں گے ۔ انہوں نے کہا کہ تحریک انصاف کے پی کے میں پو لیس سمیت تمام اداروں کو نہ صرف سیاست سے پاک کیا ہے بلکہ وہاں پر حقیقی تبدیلی ہے اور خیبر پختونخواہ میں آنیوالی حکومت بھی تحریک انصاف کی ہوگی اور عوام کر پٹ حکمرانوں اور انکے حواریوں کو مسترد کر دیگی ۔مزید اہم خبریں
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.