دانش اور عائزہ”تیری میری لو اسٹوری“میں جوہر دکھائیں گے

منگل 9 فروری 2016 11:55

دانش اور عائزہ”تیری میری لو اسٹوری“میں جوہر دکھائیں گے

کراچی (اُردو پوائنٹ اخبارتازہ ترین - این این آئی۔09 فروری۔2016ء)پاکستانی اداکار دانش تیمور اور اْن کی اہلیہ عائزہ خان ویلنٹائن ڈے پر ایک خصوصی ٹیلی فلم ”تیری میری لو اسٹوری“ میں اداکاری کے جوہر دکھاتے نظر آئیں گے۔تاہم واضح رہے کہ یہ ٹیلی فلم اس جوڑے کی اصل پریم کہانی پر مبنی نہیں ہوگی۔مذکورہ ٹیلی فلم کامیڈی اور رومانوی کہانی پر مبنی ہے جس میں دکھایا جائے گا کہ کس طرح میڈیا، محبت اور شادی کے حوالے سے لوگوں میں عجیب و غریب توقعات پیدا کردیتا ہے۔

(جاری ہے)

اس ٹیلی فلم میں عائزہ ’سونیا‘ نامی فلمی لڑکی کے روپ میں نظر آئیں گی، جو زید (دانش تیمور) نامی لڑکے سے شادی کرتی ہے۔ فلم کی کہانی اْس وقت دلچسپ موڑ اختیار کرجاتی ہے، جب عائزہ، جو شادی کے بعد اپنی زندگی میں بہت سی رکاوٹوں کی توقع کر رہی ہوتی ہیں، سب کچھ ٹھیک ٹھاک ہونے پر اداس ہوجاتی ہیں-دانش کے مطابق ’یہ ایک رومانوی کہانی ہے اور شائقین کو خوب محظوظ کرے گی۔ٹیلی فلم کے مصنف سید زین رضا کے مطابق، ’فلم کی کہانی مزاح سے بھرپور ہے، جس کے ساتھ یہ اس بات کا بھی احساس دلائے گی کہ ٹی وی اور فلموں کا ہماری ذاتی زندگی پر بھی گہرا اثر ہے۔