پی ایس ایل، اسلام آباد یونائیٹڈ کی ٹیم آج لاہور قلندرز سے ٹکرائی گی

بدھ 10 فروری 2016 13:49

شارجہ (اردو پوا ئنٹ تازہ ترین اخبار10فروری- 2016ء) پاکستان سپر لیگ میں اعصاب شکن مقابلوں کا سلسلہ جاری ہے۔ آج کھیلے جانے والے میچ میں اسلام آباد یونائیٹڈ کی ٹیم لاہور قلندر سے ٹکرائے گی۔ اسلام آباد یونائٹیڈ کی قیادت ٹیسٹ کپتان مصباح الحق اور لاہور قلندرز کی ون ڈے کپتان اظہر علی کریں گے ۔

(جاری ہے)

3،3 میچز کے بعد دونوں ٹیموں کے 2،2 پوائنٹس ہیں ۔ میچ پاکستان وقت کے مطابق رات 9 بجے شروع ہو گا۔ اہم میچ کیلئے لاہور قلندرز کے اوپنر کرس گیل کی واپسی ہو سکتی ہے ۔ دوسری جانب مصباح الیون کی ٹیم میں کسی تبدیلی کا امکان نہیں ہے ۔ اسلام آباد یونائٹیڈ نے اپنے آخری میچ میں کراچی کنگز کو دو رنز سے شکست دی تھی ۔