دوست ممالک کے تعاون سے خطہ میں امن، سلامتی اور ترقی میں حائل رکاوٹیں دور ہو سکتی ہیں: چودھری شجاعت، مشاہد حسین
ارجنٹائن کے سبکدوش ہونیوالے سفیر کے اعزاز میں ناشتہ، 16 ممالک کے سفیر اور مسلم لیگی رہنماؤں کی شرکت
جمعرات 11 فروری 2016 19:39
اسلام آباد(اُردو پوائنٹ اخبارتازہ ترین - آن لائن۔11 فروری۔2016ء) پاکستان مسلم لیگ کے صدر و سابق وزیراعظم چودھری شجاعت حسین نے کہا ہے کہ دوست ممالک کے تعاون سے امن، سلامتی اور ترقی میں حائل رکاوٹیں دور ہونے سے خطے کا ماحول بہتر ہو گا۔ وہ جمعرات کو ارجنٹائن کے سبکدوش ہونے والے سفیر اور ڈپلومیٹک کور کے ڈین روڈلفو مارٹن کے اعزاز میں دئیے گئے الوداعی ناشتہ کی تقریب سے خطاب کر رہے تھے۔
پاکستان مسلم لیگ کے سیکرٹری جنرل اور چائنہ پاکستان اقتصادی راہداری پارلیمانی کمیٹی کے چیئرمین سینیٹر مشاہد حسین سید نے بھی خطاب کیا۔ ارجنٹائن، آسٹریلیا، جنوبی کوریا، رومانیہ، کینیڈا، بوسنیا، سری لنکا، جنوبی افریقہ، سپین، سوئٹزرلینڈ، بھارت، سویڈن، کویت، کیوبا، پولینڈ سمیت 16 ممالک کے سفیروں نے ناشتے میں شرکت کی۔(جاری ہے)
چودھری شجاعت حسین نے کہا کہ سبکدوش ہونیوالے ارجنٹائن کے سفیر روڈلفو مارٹن ایک مقبول شخصیت اور پاکستان کے دیرینہ دوست ہیں، پاکستان ان کا دوسرا گھر ہے میں چاہتا ہوں کہ وہ جلد دوبارہ پاکستان واپس آئیں۔
انہوں نے ہلکے پھلکے انداز میں کہا کہ اسلام آباد میں روڈلفو مارٹن کا خوبصورت گھر ہے، اگر وہ جلد نہ آئے تو ایسا نہ ہو کہ سی ڈی والے ان کے خوبصورت گھر پر قبضہ کر لیں۔ سینیٹر مشاہد حسین سید نے اپنے خطاب میں کہا کہ پاکستان کا خطے میں کلیدی کردار ہے اس حوالے سے ہم علاقائی سیاست کا محور ہیں، سب ہمسایوں اور باقی دنیا سے برابری اور تعاون کی بنیاد پر اچھے تعلقات کے خواہاں ہیں۔ سابق ڈپٹی سپیکر قومی اسمبلی فیصل کریم کنڈی، سینیٹر دلاور عباس، میاں عمران مسعود، فیصل مشتاق، رانا خالد منظور، مسلم لیگ شعبہ خواتین کی سربراہ بیگم فرخ خان، ایڈیشنل سیکرٹری اطلاعات لبنیٰ قریشی اور دیگر رہنما بھی موجود تھے۔ سفیروں نے پاکستانی روایتی کھانوں پر مبنی ناشتہ کا اہتمام کرنے پر چودھری شجاعت حسین کی تعریف کی اور دلی شکریہ ادا کیا۔متعلقہ عنوان :
مزید قومی خبریں
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
-
سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلی سطح اجلاس
-
رانا ثنا اللہ کیخلاف کراچی میں مقدمے کی درخواست، ایس ایچ او کو نوٹس جاری
-
نادرا نے ارجنٹ درخواست پر شناختی کارڈ ڈلیوری کی مدت 23سے کم کرکے 15دن کردی
-
وزیرصحت خواجہ سلمان رفیق کا نئے لیڈی ولنگٹن ہسپتال کی سائٹ کا دورہ ،جاری پیش رفت کا جائزہ لیا
-
نواز شریف کینسرکیئرہسپتال کے ماسٹر پلان کے حوالے سےاجلاس کا انعقاد
-
وزیراعلیٰ خیبر پختونخوا علی امین خان گنڈاپور سے عبداللہ فادل کی قیادت میں یونیسیف کے وفد کی ملاقات
-
صوبائی وزیرصحت خواجہ سلمان رفیق کا نئے لیڈی ولنگٹن ہسپتال کی سائٹ کا دورہ
-
سنگین مقدمات میں ملوث ملزم کا دشمنی کی بنا پرقتل
-
وزیراعلیٰ پنجاب کی ہدایت پر لاہورپولیس کا پتنگ بازی کے خلاف کریک ڈاؤن جاری
-
وزیراعلیٰ کی ہدایت پرسی سی پی او لاہور کی زیرنگرانی موٹرسائیکل سواروں میں خونی ڈورسے بچاؤ کیلئے سیفٹی وائرزکی مفت تقسیم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.