نجم سیٹھی کی نوازشریف اورعمران خان کو پاکستان سپر لیگ کا فائنل دیکھنے کی دعوت

پیر 15 فروری 2016 12:08

لاہور (اردو پوا ئنٹ تازہ ترین اخبار15فروری- 2016ء) نجم سیٹھی نے نوازشریف اور عمران خان کو ٹورنامنٹ کا فائنل دیکھنے کی دعوت دی ہے ۔ سوشل میڈیا پر جاری بیان میں پاکستان کرکٹ بورڈ کی ایگزیکٹو کمیٹی کے سربراہ اور پاکستان سوپر لیگ کے چیئرمین نجم سیٹھی کا کہنا تھا کہ وزیراعظم نواز شریف اور 1992ء کی ورلڈ کپ وننگ ٹیم کے کپتان عمران خان سیاست ایک طرف رکھیں اور ساتھ مل کر کرکٹ دیکھیں ۔

ان کا کہنا تھا کہ وہ دونوں رہنماؤں کو 23 فروری ٹورنامنٹ کافائنل دیکھنے کی دعوت دیتے ہیں ۔ نجم سیٹھی نے پی ایس ایل کے شائقین سے درخواست کی کہ وہ دونوں رہنماؤں پر اکٹھے فائنل دیکھنے کے لیے سوشل میڈیا کے ذریعے زور دیں ۔ دوسری جانب تحریک انصاف کے ترجمان نعیم الرحمان نے نجی ٹی وی سے بات کرتے ہوئے کہا کہ عمران خان کو پی ایس ایل کا فائنل میچ دیکھنے کی باضابطہ کوئی دعوت نہیں دی گئی ہے تاہم اگر دعوت مل بھی جاتی ہے تو وہ ذاتی مصروفیات کے باعث فائنل میچ دیکھنے نہیں جاسکیں گے ۔

(جاری ہے)

I invite Patron PCB Nawaz Sharif & WC winning captain Imran Khan to PSL Final on 23rd Feb. Gentlemen, put politics aside and watch cricket!
— Najam Sethi (@najamsethi) February 14, 2016

PSL lovers! Pl start a trend to build up pressure on Nawaz Sharif and Imran Khan to join us in Dubai on 23rd Feb.
— Najam Sethi (@najamsethi) February 14, 2016