رواں ہفتے سونے کی قیمتیں سال کی بلند ترین سطح پر پہنچ گئیں

فی تولہ سونے کی قیمت میں 1950روپے جبکہ دس گرام سونے کی قیمت میں 1672 روپے کا اضافہ

پیر 15 فروری 2016 12:28

کراچی(اُردو پوائنٹ اخبارتازہ ترین - آن لائن۔15 فروری۔2016ء) رواں ہفتے سونے کی قیمتیں سال کی بلند ترین سطح پر پہنچ گئیں۔ فی تولہ سونے کی قیمت میں 1950روپے جبکہ دس گرام سونے کی قیمت میں 1672 روپے کا اضافہ ہوا ہے۔تفصیلات کے مطابق اس مہینے کے آغاز میں سونے کی قیمتیں دباوٴ کا شکار رہیں جبکہ جمعہ کو سونے کی قیمتوں نے سال کی بلند ترین سطح کو چھو لیا اور فی تولہ قیمت 48600روپے اور دس گرام 41742روپے ہوگئی۔

بین الاقوامی مارکیٹ میں ایک اونس سونے کی قیمت میں 64ڈالر کا اضافہ ہوا پچھلے ہفتے انویسٹرز کا محفوظ سرمایہ کاری کی طرف رجحان بڑھا اور انویسٹرز سونے کی طرف متوجہ ہوگئے جس سے اس کی مانگ میں اضافہ ہوا اور بین الاقوامی سطح پر سونے کی قیمتیں 1174ڈالر سے بڑھ کر 1238ڈالر تک پہنچ گئیں,ہفتے کے روز قیمتیں معمول کی کمی کے بعد فی تولہ 48600اور دس گرام 41657روپے پر آگئیں لیکن اس کمی کے باوجود وہ بلند ترین سطح پر ہیں جنوری 2016 میں دس گرام اور فی تولہ سونے کی قیمتیں بالترتیب 37971اور 44300روپے تھیں اور بین الاقوامی سطح پر فی اونس قیمت 1062 ڈالر تھی جنوری 2015 کے تیسرے ہفتے میں سونے کی فی اونس قیمتیں 1297ڈالر جبکہ پاکستان میں دس گرام 42385 اور فی تولہ 49450روپے تھیں,سندھ صرافہ ایسوسی ایشن کے صدر حاجی ہارون چاند نے کہا ہے کہ بین الاقوامی سطح پر ڈالر کی قیمتیں غیر مستحکم ہونے کی وجہ سے سونے میں سرمایہ کاری کا رجحان بڑھ رہا ہے جس کے باعث قیمتیں بڑھ رہی ہیں۔

(جاری ہے)