وفاقی دارالحکومت کو سرسبز بنانے کیلئے ایک کروڑ درخت لگانے کا فیصلہ
سی ڈی اے اور پاکستان ٹوبیکو کمپنی کے مابین مفاہمت کی یاداشت پر دستخط، شجرکاری مہم 7 مارچ سے شروع ہو گی مارگلہ کی پہاڑیوں پر مزید درخت لگائے جائیں گے اور کسی قسم کی تعمیرات کی اجازت نہیں دی جائے گی، ڈاکٹر طارق فضل
پیر 15 فروری 2016 18:02
اسلام آباد (اردوپوائنٹ اخبار تازہ ترین۔15فروری۔2016ء) وفاقی دارالحکومت کو سرسبز بنانے کیلئے سی ڈی اے اور پاکستان ٹوبیکو کمپنی نے ایک کروڑ درخت لگانے کی مفاہمت کی یاداشت پر دستخط کئے ہیں، سی ڈی اے کی شجرکاری مہم 7 مارچ سے شروع ہو گی۔ پیر کو مفاہمتی یادداشت پر دستخط سی ڈی اے کے ممبر ماحولیات ثناء اللہ امان اور پاکستان ٹوبیکو کمپنی کے اسد شاہ نے کئے۔
وزیر مملکت کیڈ ڈاکٹر طارق فضل چوہدری اس موقع پر مہمان خصوصی تھے۔ ڈاکٹر طارق فضل چوہدری نے کہا کہ پوری دنیا میں موسمیاتی تبدیلیاں آ رہی ہیں، موسم کی خصوصیات کو برقرار رکھنے کیلئے ضروری ہے کہ زیادہ سے زیادہ درخت لگائے جائیں۔ انہوں نے کہا کہ 1960ء میں اسلام آباد کی منصوبہ بندی ایک سرسبز شہر کی حیثیت سے کی گئی جو ابھی تک برقرار ہے۔(جاری ہے)
پاکستان دنیا کے خوش قسمت ممالک میں شامل ہے جہاں چاروں موسم موجود ہیں۔
انہوں نے کہا کہ وزیراعظم محمد نوازشریف نے وفاقی دارالحکومت کو خوبصورت اور سرسبز بنانے کیلئے خصوصی ہدایات دی ہیں۔ انہوں نے کہا کہ مارگلہ کی پہاڑیوں پر مزید درخت لگائے جائیں گے اور مارگلہ کی پہاڑیوں میں کسی قسم کی تعمیرات کی اجازت نہیں دی جائے گی۔ انہوں نے کہا کہ اسلام آباد کو خوبصورت بنانے کیلئے دیگر شہروں اور دنیا کے تجربات سے استفادہ کیا جائے گا۔ سی ڈی اے کی ٹیم نے اس سلسلہ میں لاہور کا دورہ کیا جو کہ خوش آئند ہے۔ ڈاکٹر طارق فضل چوہدری نے کہا کہ وفاقی دارالحکومت کو خوبصورت اور سرسبز بنانے کیلئے پبلک پرائیویٹ پارٹنر شپ کی حوصلہ افزائی کی جائے گی اور اس سلسلے میں طریقہ کار کو آسان بنایا جائے گا۔ انہوں نے کہا کہ وفاقی دارالحکومت کے مختلف علاقوں، راؤنڈ اباؤٹ، گرین بیلٹس کو مختلف کمپنیوں کو دیا جائے گا تاکہ وہ اسے خوبصورت بنائیں۔ اس موقع پر سی ڈی اے کے ممبر ماحولیات ثناء اللہ امان نے کہا کہ سی ڈی اے 7 مارچ سے شجرکاری مہم کا آغاز کرے گا جس میں مارگلہ ہلز اور سڑکوں کے ارد گرد درخت لگائے جائیں گے۔ اس میں زندگی کے تمام شعبوں، غیر سرکاری تنظیموں اور طلباء کو بھی شامل کیا جائے گا۔ پاکستان ٹوبیکو کمپنی کے اسد شاہ نے کہا کہ ان کی کمپنی ملک کو سرسبز بنانے کیلئے حکومت کا بھرپور ساتھ دے گی۔متعلقہ عنوان :
مزید اہم خبریں
-
ضمنی انتخابات، پنجاب میں پولنگ کے سامان کی ترسیل کی کوریج پر پابندی عائد
-
عمران خان نے پیغام دیا ہے21اپریل کو ووٹ کی حفاظت کریں،علیمہ خان
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.