حکومت معاشرے سے غیرت کے نام پر قتل کا بدنما داغ مٹانا چاہتی ہے، اس سلسلے میں ہر ممکن اقدام اٹھانے کیلئے پرعزم ہیں،خواتین معاشرے کا اہم حصہ ہیں، ان کو با اختیار بنانے پر یقین رکھتے ہیں
وزیراعظم نواز شریف کی سکرایوارڈ یافتہ فلمساز شرمین عبید چنائے سے ملاقات میں گفتگو اس بات پر فخر ہے کہ پاکستان کو نواز شریف جیسا وزیراعظم ملا، شرمین عبید کی تعلیم کے اہداف کے حصول اور غیرت کے نام پر قتل جیسے مسائل سے نمٹنے کیلئے وزیراعظم کے کردار کی تعریف
پیر 15 فروری 2016 18:09
اسلام آباد (اُردو پوائنٹ اخبارتازہ ترین - آئی این پی۔15 فروری۔2016ء) وزیراعظم نواز شریف نے اس عزم کا اظہار کیا ہے کہ حکومت معاشرے سے غیرت کے نام پر قتل کا بدنما داغ مٹانا چاہتی ہے، غیرت کے نام پر قتل کے خاتمے کیلئے ہر ممکن اقدام اٹھانے کیلئے پرعزم ہیں،خواتین معاشرے کا اہم حصہ ہیں انہیں با اختیار بنانے پر یقین رکھتے ہیں جبکہ سماجی کارکن اورآسکرایوارڈ یافتہ فلمساز شرمین عبید چنائے نے تعلیم کے اہداف کے حصول اور غیرت کے نام پر قتل جیسے مسائل سے نمٹنے کیلئے وزیراعظم کے کردار کی تعریف کرتے ہوئے کہا کہ اس بات پر فخر ہے کہ پاکستان کو نواز شریف جیسا وزیراعظم ملا۔
پیر کو وزیراعظم نواز شریف سے سماجی کارکن اورآسکرایوارڈ یافتہ فلمساز شرمین عبید چنائے نے ملاقات کی جس دوران وزیراعظم نواز شریف نے کہا کہ غیر کے نام پر قتل جیسی روایات کا اسلام سے کوئی تعلق نہیں، غیرت کے نام پر قتل انتہائی سنگین معاملہ ہے۔(جاری ہے)
انہوں نے کہا کہ حضورؐ کی حیات مبارکہ اور تعلیمات سماجی اصلاحات پر مبنی ہیں،اسلام نے تاریخ کا دھارا بدلنے کیلئے کامیاب تحریک دی،اسلام نے پہلی بار خواتین کو حقوق دیئے۔
انہوں نے کہا کہ حکومت معاشرے سے غیرت کے نام پر قتل کا بدنما داغ مٹانا چاہتی ہے، غیرت کے نام پر قتل کے خاتمے کیلئے ہر ممکن اقدام اٹھانے کیلئے پر عزم ہیں، خواتین معاشرے کا اہم حصہ ہیں، انہیں بااختیار بنانے میں یقین رکھتے ہیں، متحرک اور خوشحال پاکستان کیلئے خواتین کے تحفظ پر یقین رکھتے ہیں۔ وزیراعظم نواز شریف نے کہا کہ موجودہ قوانین میں سقم دور کرنے کیلئے متحلقہ حکام کو ہدایت کر چکے ہیں، قوانین میں تبدیلی کیلئے تمام فریقین سے مشاورت کی گئی، حکومت اور سول سوسائٹی کی مشترکہ کوششوں سے سماجی برائیوں کا خاتمہ ممکن ہے۔انہوں نے کہا کہ آسکر ایوارڈ کیلئے دستاویزی فلم کی رونمائی وزیراعظم ہاؤس میں کی جائے گی، شرمین عبید چنائے کی فلم تقریب رونمائی22فروی کو ہو گی۔وزیراعظم نواز شریف نے شرمین عبید چنائے کی کاوٹوں کی تعریف کی اور دستاویزی فلم کی کامیابی کیلئے نیک تمناؤں کا اظہار کیا۔اس موقع پر سماجی کارکن اورآسکرایوارڈ یافتہ فلمساز شرمین عبید چنائے نے تعلیم کے اہداف کے حصول اور غیرت کے نام پر قتل جیسے مسائل سے نمٹنے کیلئے وزیراعظم کے کردار کی تعریف کرتے ہوئے کہا کہ اس بات پر فخر ہے کہ پاکستان کو نواز شریف جیسا وزیراعظم ملا۔ انہوں نے کہا کہ غیرت کے نام پر قتل جیسے مسائل سے نمٹنے کیلئے وزیراعظم نواز شریف کا کردار قائدانہ ہے،اس موقع پر شرمین عبید چنائے نے تعلیم کے اہداف کے حصول میں وزیراعظم نوازشریف کی صاحبزادی مریم نواز کے کردار کی بھی تعریف کی۔متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.