افغان صدر نے ایک بار پھر طالبان سمیت تمام باغی گروپوں کو امن عمل میں شامل ہونے کی دعوت دیدی
افغان قوم نے پہلے ہی اپنی آزادی کی بھاری قیمت چکائی ہے ،طالبان اور تمام باغی گروپ جنگ کا راستہ ترک کرکے امن عمل میں شامل ہوں اورملک کی تعمیر ونو میں اپنا کردار ادا کریں، حکومت امن کی خواہش رکھنے والے کسی بھی گروپ کا خیرمقدم کرے گی ، سوویت یونین کے 10 سالہ قبضے کے دوران افغانستان کو 240 ارب امریکی ڈالر کا ریکارڈ نقصان اٹھانا پڑا افغان صدر ڈاکٹر اشرف غنی کا سوویت افواج کے انخلاء کی 27 ویں سالگرہ کے موقع پر تقریب سے خطاب
پیر 15 فروری 2016 18:10
کابل(اُردو پوائنٹ اخبارتازہ ترین - آئی این پی۔15 فروری۔2016ء) افغان صدر ڈاکٹر اشرف غنی نے ایک بار پھر طالبان اور دیگر باغی گروپوں کو امن عمل میں شامل ہونے کی دعوت دیتے ہوئے کہا ہے کہ افغان قوم نے پہلے ہی اپنی آزادی کی بھاری قیمت چکائی ہے ،طالبان سمیت تمام باغی گروپ جنگ کا راستہ ترک کرکے امن عمل میں شامل ہوکر ملک کی تعمیر ونو میں اپنا کردار ادا کریں، حکومت امن کی خواہش رکھنے والے کسی بھی گروپ کا خیرمقدم کرے گی ، سوویت یونین کے 10 سالہ قبضے کے دوران افغانستان کو 240 ارب امریکی ڈالر کا ریکارڈ نقصان اٹھانا پڑا۔
پیر کو افغان میڈیا کے مطابق کابل کے صدارتی محل میں سوویت افواج کے انخلاء کی 27 ویں سالگرہ کے موقع پر تقریب سے خطاب کرتے ہوئے اشرف غنی نے سوویت افغان جنگ کے حوالے سے کہاکہ عالمی بنک کے اندازے یہ ظاہر کرتے ہیں کہ سوویت یونین کے 10 سالہ قبضے کے دوران افغانستان کو 240 ارب امریکی ڈالر کا ریکارڈ نقصان اٹھانا پڑا۔(جاری ہے)
افغان صدر نے سوویت یونین کے خلاف جنگ میں مجاہدین کی شراکت کو تسلیم کرتے ہوئے کہا کہ مذاکرات جاری ہیں ہم دیکھ رہے ہیں کہ سابق جہادی ملک میں امن واستحکام لانے میں کیا کردار ادا کرسکتے ہیں۔
انکا کہنا تھاکہ سوویت یونین کو شکست دینے کے بعد قوم کو متحدہوکر ملک کی تعمیر ونو میں حصہ لینے کی ضرورت ہے ،اگرقوم متحد ہوتو کچھ بھی ممکن ہے ۔افغان صدر نے کہاکہ افغانستان آج ایک ذمہ دار عالمی پارٹنر ہے اور دہشتگردی کے خلاف پرعزم انداز میں کھڑا ہے ۔انکا کہنا تھاکہ سال بھر میں شہید ہونے والے افغان عوام کو امن کی امید تھی اور یہی وہ چیز ہے جو عوام چاہتے ہیں ہم یہ چیز حاصل کرنے کیلئے دن رات کام کررہے ہیں۔افغان صدر نے کہاکہ حکومت امن کی خواہش رکھنے والے کسی بھی گروپ کا خیرمقدم کرے گی ہم نے تمام باغی گروپوں کو امن عمل میں شامل ہونے کی دعوت دی ہے کیونکہ ہم امن پر یقین رکھتے ہیں۔اشرف غنی نے طالبان پر زور دیا کہ وہ امن عمل میں شامل ہوکر ملک کی تعمیر ونو میں حصہ لیں۔میں طالبان کو اس لیے امن کیلئے ہاں کرنے کو کہہ رہا ہوں کیونکہ جنگ جاری رہی تو یہ ملک اور عوام کو متاثر کرے گی ۔مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.