نجی ائیر لائن ائیربلیو کی لاہور سے کراچی جانے والی پرواز میں چوہے گھس آئے، پرواز منسوخ

محمد علی پیر 15 فروری 2016 19:50

لاہور(اردوپوائنٹ اخبار تازہ ترین۔15فروری۔2016ء) نجی ائیر لائن ائیربلیو کی لاہور سے کراچی جانے والی پرواز میں چوہے گھس آئے جس کے باعث پرواز منسوخ کر دی گئی ہے۔

(جاری ہے)

تفصیلات کے مطابق لاہور کے علامہ اقبال ائیرپورٹ سے کراچی جانے والی نجی ائیر لائن ائیر بلیو کی پرواز اچانک منسوخ کر دی گئی ہے۔ پرواز منسوخ کرنے کی وجہ طیارے میں چوہوں کا گھس جانا بتایا جا رہا ہے۔ انتظامیہ طیارے سے چوہوں کو نکالنے کی کوشش میں مصروف ہے جبکہ مسافروں کی جانب سے پرواز منسوخ ہو جانے پر شدید احتجاج کیا جا رہا ہے۔