اقتصادی راہداری کے مغربی روٹ پر کام تیزی سے جاری ہے،گوادر سہراب سیکشن دسمبر2016ء میں مکمل ہوجائے گا، احسن اقبال
ڈی آئی خان کا سنگ بنیاد آئندہ سال مارچ میں ہوجائیگا،یہ روٹ جولائی2018ء میں مکمل ہوگا وفاقی وزیر ترقی ومنصوبہ بندی کی وزیراعلیٰ خیبرپختونخوا پرویز خٹک اور کے پی کے اسمبلی کے پارلیمانی لیڈرز سے ملاقات میں گفتگو
پیر 15 فروری 2016 22:41
اسلام آباد (اُردو پوائنٹ اخبارتازہ ترین - آن لائن۔15 فروری۔2016ء) وفاقی وزیر ترقی ومنصوبہ بندی احسن اقبال نے کہا ہے کہ اقتصادی راہداری کے مغربی روٹ پر کام تیزی سے جاری ہے،گوادر سہراب سیکشن دسمبر2016ء میں مکمل ہوجائے گا،ڈی آئی خان کا سنگ بنیاد آئندہ سال مارچ میں ہوجائے گا اور یہ روٹ جولائی2018ء میں مکمل ہوگا،مغربی روٹ پاک چین اقتصادی راہداری کا حصہ ہے اور پاکستان میں چینی سفارتخانے نے بھی اس بات کی وضاحت کردی ہے،وفاقی حکومت تمام منصوبوں کو مقررہ وقت میں مکمل کرنے کیلئے فنڈ مہیا کر رہی ہے۔
وفاقی وزیر ترقی ومنصوبہ بندی نے ان خیالات کا اظہار گزشتہ روز وزیراعلیٰ خیبرپختونخوا پرویز خٹک اور کے پی کے اسمبلی کے پارلیمانی لیڈرز سے وزارت ترقی ومنصوبہ بندی میں ملاقات کے دوران کیا۔(جاری ہے)
وفاقی وزیر اور کے پی کے حکومت کے نمائندوں کے مابین ملاقات خوشگوار ماحول میں ہوئی۔اس موقع پر وفاقی وزیر احسن اقبال نے پاک چین اقتصادی راہداری کے حوالے سے مفروضوں کی وضاحت کی۔
وفاقی وزیر نے کہا کہ خیبرپختونخوا حکومت مغربی روٹ کیلئے زمین کے حصول کو اولین بنیادوں پر حل کرے۔انہوں نے وزیراعلیٰ خیبرپختونخوا کو یقین دلایا کہ وفاقی حکومت سی پیک کے حوالے سے کسی بھی صوبائی حکومت سے فرق نہیں کرے گی،اس منصوبے سے تمام ملک بشمول کم ترقی یافتہ علاقوں کو بہت فائدہ ہوگا۔احسن اقبال نے کہا کہ مغربی روٹ پر وسیع دستاویزات تیار کی گئی ہیں جو کہ اس کے مواصلات پلان کے حوالے سے رہنمائی کرتی ہے۔انہوں نے وضاحت کی کہ سی پیک کے دستاویزات اس بات کو ظاہر کرتے ہیں کہ کوئی بھی نیا سی پیک کا فریم ورک نئے سی پیک روٹ پر تعمیر نہیں کیا جائے گا،لیکن یہ موجودہ روٹس کے مسنگ لنکس کو آپس میں ملائے گا۔وفاقی وزیر نے صوبائی وزیراعلیٰ کو یقین دلایا کہ وفاقی حکومت کے پی کے حکومت کے ساتھ بات چیت کرکے سپیشل اکنامک زون کا پرپوزل تیار کرے گی۔وفاقی وزیر نے کہا کہ ورکنگ گروپ میں تمام صوبوں کو یکساں نمائندگی دی جائے گی،وفاقی حکومت کے پی کے کیلئے سوورن گارنٹی دینے کو تیار ہے۔منسٹر نے کہا کہ سی پیک فریم ورک گوادر میں انفراسٹرکچر اور توانائی پر فوکس کرے گا۔وزیراعلیٰ خیبرپختونخوا کے ساتھ رواں مالی سال کے پی ایس ڈی پی میں کے پی کے کیلئے 11ارب ڈالر کے داسو ڈیم کے افتتاح کا منصوبہ بھی شامل ہے۔وفاقی حکومت نے کے پی کے میں ایجوکیشن کے حوالے سے بڑے پیمانے پر منصوبوں کی منظوری دی ہے۔چشمہ رائیٹ بنک کینال کو ترجیحی بنیادوں پر مکمل کیا جائے گا جس سے گردونواح کے علاقوں میں زراعت میں مدد مل سکے گی۔ملاقات میں خیبرپختونخوا کے وزیراعلیٰ پرویز خٹک نے وفاقی حکومت کی جانب سے کروائی گئی یقین دہانیوں پر اطمینان کا اظہار کیا اور تین دن کے اندر سپیشل انڈسٹریل زون کی جگہوں کے تعین کے حوالے سے وفاقی حکومت کو بتانے کا وعدہ بھی کیامتعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.