ٹویوٹا نے ناقص سیٹ بیلٹ والی لگ بھگ تیس لاکھ گاڑیاں واپس منگوا لیں

جمعرات 18 فروری 2016 17:47

واشنگٹن ۔ 18 فروری (اُردو پوائنٹ اخبارتازہ ترین - اے پی پی۔18 فروری۔2016ء) وایس آف امریکہ کے مطابق جاپان کی ٹویوٹا موٹرز نے دنیا بھر میں 28 لاکھ 70 ہزار گاڑیاں واپس منگوا لی ہیں کیونکہ ان کی پیچھے کی سیٹوں کی سیٹ بیلٹیں ناقص تھیں۔ان گاڑیوں میں 2005 سے 2014 کے درمیان تیار کیے گئے مقبول ترین آر اے وی ۴ اور الیکٹرک آر اے وی 4ماڈل اور 2005 سے 2016 کے درمیان تیار ہونے والے ایس یو وی وین گارڈ ماڈل شامل ہیں۔

دنیا کی سب سے بڑی گاڑیاں بنانے والی کمپنی ٹویوٹا کے ایک ترجمان نے کہا کہ کمپنی کو معلوم ہوا کہ امریکہ اور کینیڈا میں ہونے والے دو مختلف حادثات میں سیٹ بیلٹس ٹوٹ گئیں۔کمپنی کے مطابق ابھی اس بات کا تعین نہیں کیا گیا کہ ان حادثات کے نتیجے میں گاڑی میں بیٹھے افراد کو آنے والی چوٹیں اور اموات اس مسئلے کی وجہ سے ہیں۔

(جاری ہے)

ٹویوٹا نے کہا کہ وہ واپس منگوائی گئی گاڑیوں میں دھات سے بنے سیٹ کے فریم کو ڈھک دے گی تاکہ وہ بیلٹ کو کاٹ نہ سکے۔

واپس منگوائی گئی گاڑیوں کی اکثریت 13 لاکھ گاڑیاں شمالی امریکہ میں فروخت ہوئیں۔ٹویوٹا نے اس سے پہلے بھی حفاظتی اقدامات کے لیے کئی گاڑیوں کو واپس منگوایا۔ ان میں وہ لاکھوں گاڑیاں بھی شامل ہیں جن میں ناقص ایئر بیگ نصب تھے جنہیں جاپان کی کمپنی ٹکاٹا کارپوریشن نے تیار کیا تھا

Facebook Twitter Google + Share on Whatsapp

ٹویوٹا نے ناقص سیٹ بیلٹ والی لگ بھگ تیس لاکھ گاڑیاں واپس منگوا لیں

متعلقہ عنوان :

مزید بین الاقوامی خبریں