ورلڈ ٹی ٹونٹی کیلئے بھارت نہ جانے سے تھوڑا بہت نقصان ہو گا لیکن حتمی فیصلہ حکومت کریگی ‘ پاک بھارت سیریز کی امید ختم نہیں ہوئی ،پی ایس ایل کے اچھے نتائج حاصل ہوئے ہیں ،آئندہ سال کچھ میچز پاکستان میں بھی ہونگے ‘چیئرمین پی سی بی
ہفتہ 20 فروری 2016 21:25
لاہور(اُردو پوائنٹ اخبارتازہ ترین - آئی این پی۔20 فروری۔2016ء) پاکستان کرکٹ بورڈ کے چیئرمین شہریار خان نے کہا ہے کہ ورلڈ ٹی ٹونٹی کیلئے بھارت نہ جانے سے تھوڑا بہت نقصان ہو گا لیکن وہاں جانے یا نہ جانے سے متعلق حتمی فیصلہ حکومت کریگی ،پاک بھارت سیریز کی امید ختم نہیں ہوئی ،پی ایس ایل کے اچھے نتائج حاصل ہوئے ہیں اورآئندہ سال کچھ میچز پاکستان میں بھی ہونگے۔
لاہور میں جاری لٹریری فیسٹیول میں شرکت کے موقع پر میڈیا سے گفتگو کرتے ہوئے۔انہوں نے کہا کہ پاکستان سپر لیگ پوری طرح سے کامیاب ہوئی ہے اوراس نے بہترین نتائج حاصل کئے ہیں۔ پی ایس ایل میں نوجوان کھلاڑیوں کو اپنی صلاحیتیں منوانے کا بھرپور موقع ملا ہے اور آئندہ سال کچھ میچز پاکستان میں بھی کھیلے جائیں گے۔(جاری ہے)
انہوں نے کہا کہ بھارت اور پاکستان کے کھلاڑیوں کو ایک دوسرے کی لیگ کا حصہ بننا چاہیے لیکن بھارت میں پاکستان کے خلاف پروپیگنڈا کیا جارہا ہے اور وہ نہیں چاہتے کہ ان کے کھلاڑی پاکستان یا پاکستانی کرکٹرز بھارت جائیں۔
انہوں نے کہا کہ اگر حکومت نے بھارت میں ہونے والے ورلڈ ٹی ٹونٹی کپ میں شرکت کی اجازت دی تو جائیں گے بصورت دیگر نہ جانے کا فیصلہ ہی کیا جائے گا۔انہوں نے ٹی ٹونٹی کے میگا ایونٹ میں شرکت نہ کرنے کی صورت میں ہونے والے نقصان بارے سوال کے جواب میں کہا کہ اگر پاکستان ورلڈ کپ میں شریک نہ ہوا تو کھلاڑی بڑی ٹیموں کے ساتھ کھیلنے سے سے محروم رہیں گے اور تھوڑا بہت دوسرا نقصان بھی ہوگا تاہمحتمی فیصلہ حکومت کے ہاتھ میں ہے۔انہوں نے مزید کہا کہ کوئٹہ سمیت فاٹا اور آزاد کشمیر میں کرکٹ اکیڈمیز قائم کریں گے۔مزید کھیلوں کی خبریں
-
صرف 2 گیندوں بعد ہی میچ ختم
-
راولپنڈی میں بارش رک گئی، پاک نیوزی لینڈ میچ چند اوورز تک محدود کر دیا گیا
-
کس وقت تک بارش نہ رکی تو پاک نیوزی لیند میچ منسوخ کر دیا جائے گا؟
-
راولپنڈی میں بارش، پاک نیوزی لینڈ میچ دوبارہ شروع ہو سکے گا یا نہیں؟
-
کیویز کیخلاف پہلے میچ کیلئے 2 پاکستانی کھلاڑیوں کا ڈیبیو
-
ویسٹ انڈیزویمینز ٹیم نے پاکستان ویمینز ٹیم کو پہلےایک روزہ بین الاقومی میچ میں 113 رنز سے شکست دے دی
-
سیریز کا پہلا ٹی ٹوئنٹی میچ، نیوزی لینڈ نے پاکستان کیخلاف ٹاس جیت لیا
-
راولپنڈی میں پاک نیوزی لینڈ میچ ہو سکے گا یا نہیں؟ اپ ڈیٹ جاری کر دی گئی
-
آئی سی سی ایونٹ میں شرکت، ونواٹو کی ٹیم چندہ جمع کرنے پر مجبور
-
بارسلونا اوپن ، مارشل گرانولرزاورہوراشیوزیبالوس کوارٹرفائنل میں پہنچ گئے
-
سابق آسٹریلوی کرکٹرمائیکل سلیٹرجیل منتقل
-
سیف گیمز کے انعقاد سے دنیا میں پاکستان کا سافٹ امیج اجاگر ہوگا، رانا مشہود
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.