کرپٹ سیاست دانوں نے ملک لوٹ کر 200 ارب ڈالر سوئس بینکوں میں چھپائے، چوہدری محمد سرور

اسلام آباد (اُردو پوائنٹ اخبارتازہ ترین - آن لائن۔22 فروری۔2016ء) سابق گورنر پنجاب تحریک انصاف کے مرکزی رہنما چوہدری محمد سرورنے کہا کہ کرپٹ سیاست دانوں نے ملک لوٹ کر 200 ارب ڈالر سوئس بینکوں میں چھپائے رکھے ہیں ،سوئس حکومت نے اس سلسلے میں معلومات کا اشتراک کرنے کی پیشکش کی لیکن ہماری حکومت نے سودہ بازی کر کے پاکستان واپس لانے سے انکار کر دیاجبکہ دیگر ممالک کی ایک بڑی تعداداپنے ملکو ں کا پیسہ واپس لے لیا ہے ۔

ان خیالات کا اظہار انہوں نے نجی ٹی وی کو انٹرویو دیتے ہوے کیا ، تحریک انصاف کا کرپشن کیخلاف واضح موقف ہے اور ملک سے کرپشن کا خاتمہ چاہتی ہے ، ملک میں کرپٹ عناصر جہاں بھی موجو ان کے خلاف کارروائی ہونی چاہیے تحری انصاف کی کور کمیٹی کے اجلاس میں موجود تھا اور اس میں سب نے متفقہ طور پر کہا کہ کرپشن کے معاملے پر کوئی سمجھوتہ نہیں ہو گا انہوں نے کہا کہ ڈی جی احتساب کمیشن اور کمشنر درمیان معاملات ٹھیک نہیں چل رہے تھے اس لیے وہ مستفیٰ ہو گئی خیبر پختونخوا کے ڈی جی احتساب کو چاہیے تھا اگر کسی وزیر یا ایم پی اے کیخلاف کرپشن کا کوئی کیس ہے تو اس کی نشاندہی کریں لیکن انہوں نے حکومت پر کوئی الزام نہیں لگا یا انہوں نے کہا کہ خیبر پختونخوا میں نچلی سطح پر کرپشن کے خاتمے کا دعویٰ تو نہیں کرتا لیکن حکومتی سطح پر کوئی کرپشن نہیں ۔

(جاری ہے)

چوہدری محمد سرور نے کہا کہ وزیر اعلیٰ خیبر پختونخوا نے اختیارات نچلی سطح پر منتقل کر دیئے ہیں اور اب وہ ایک کانسٹیبل کو تبدیل یا تعینات نہیں کر سکتے، ابھی وزیر اعلی ایک سپروائزری کردار ہے اور خیبرپختونخوا حکومت کرپٹ لوگوں کی حمایت نہیں کرتا انہوں نے کہا کہ تحریک انصاف پاکستان میں کرپشن کے خلاف جہاد کر رہی ہے ،کرپش کر کے سیاست دار اور سرمایہ دار امیر سے امیر ہو رہے ہیں اور لوگوں کے پاس دو ٹائم کھانے کے پیسے نہیں ، کھانے حاصل نہیں ہے ۔