کرغزستان ٗشدت پسندوں کو مسلمانوں کے قبرستان میں دفنانے پر پابندی

پیر 22 فروری 2016 20:39

ماسکو (اُردو پوائنٹ اخبارتازہ ترین - این این آئی۔22 فروری۔2016ء) سابق سوویت ریاست کرغزستان میں شدت پسندوں اور دہشت گردوں کو مسلمانوں کے قبرستان میں نہیں دفنایا جائیگا ٗاگر کوئی خاندان یا شخص کسی ایسے ملک سے لوٹے جہاں شدت پسند نظریات ہیں تو انہیں مسلمان علاقے یا آبادیوں میں نہ رہنے دیا جائے گا۔

(جاری ہے)

یہ اعلان سابق سوویت ملک کرغزستان کے اماموں اور علما ء کی طرف سے سامنے آیا انہوں نے کہا کہ ملک میں ان لوگوں کو مسلمان قبرستانوں میں دفنانے پر پابندی عائد کر دی جائے گی جو شدت پسند کے قائل ہے یا شدت پسند نظریات رکھتے ہیں اور لوگوں کو اس طرف مائل کرتے ہیں۔

یوں مذہبی رہنما لوگوں کو شدت پسند تنظیموں میں شامل ہونے سے روکنا چاہتے ہیں۔پولیس کے مطابق عام لوگ شدت پسندوں کے بارے میں منفی رویہ رکھتے ہیں۔ حال ہی میں کرغیزستان کے ایک علاقے کے باشندوں نے حکام سے مطالبہ کیا ہے کہ شام سے لوٹ کر آنے والے ایک کنبہ کو کہیں منتقل کر دیا جائے تاکہ یہ لوگ دوسروں کو شدت پسندوں کی صفوں میں بھرتی نہ کر سکیں ۔