اورنج لائن میٹرو ٹرین مکمل منصوبے کو لاہور ہائیکورٹ میں چیلنج کردیا گیا

عدالت کا صوبائی حکومت کو معاہدوں اور قرض و تفصیلات 7 مارچ کوپیش کرنے کا حکم

جمعرات 25 فروری 2016 22:38

لاہور(اُردو پوائنٹ اخبارتازہ ترین - آن لائن۔25 فروری۔2016ء) اورنج لائن میٹرو ٹرین مکمل منصوبے کو لاہور ہائیکورٹ میں چیلنج کردیا گیا ،فاضل عدالت نے صوبائی حکومت کو منصوبے کیلئے کئے گئے معاہدوں اور منصوبے کیلئے لئے گئے قرض سمیت تمام تر تفضیلات 7 مارچ کوپیش کرنے کا حکم دیدیا۔مسٹر جسٹس عابد عزیز شیخ کی سربراہی میں دو رکنی بنچ نے سول سوسائٹی کی جانب سے دائر درخواست پر سماعت کی جس میں اورنج لائن میٹرو ٹرین کے مکمل منصوبے کو چیلنج کیا گیا ہے۔

(جاری ہے)

درخواست گزار کے وکیل اظہر صدیق نے موقف اختیار کیا کہ اورنج لائن ٹرین کے معاہدوں کے بارے میں غلط بیانی سے کام لیا جارہا ہے، اورنج لائن ٹرین منصوبے کے لیے معاہدے اور ٹینڈر میں شفافیت برقرار نہیں رکھی گئی ،اظہر صدیق ایڈووکیٹ نے بتایا کہ منصوبے کا کل تخمینہ ایک سو ساٹھ ارب سے زائد کا ہے جبکہ عوام کو غلط اعداد و شمار بتائے جارہے ہیں اسی طرح ایکوزیشن کے لیے مقرر تخمینہ اصل رقم سے کہیں زیادہ ہے،وکیل نے یہ بھی بتایا کہ منصوبے کو وقت سے پہلے شروع کرکے معاہدے کی پاسداری نہیں کی گئی اور منصوبے کے لیے حاصل کردہ قرض کی تفصیلات میں بھی تضاد ہے۔

متعلقہ عنوان :