میں 15 سال کا تھا جب کرینہ نے پہلی فلم کی‘ارجن کپور

فلم”کی اینڈ کا“ میں ارجن کپور ایک گھریلو شوہر ‘ کرینہ ایک بزنس ویمن کے روپ میں نظر آئیں گی 35 سالہ کرینہ کپور اور 30 سالہ ارجن کپور اپنی آنے والی فلم ’کی اینڈ کا‘ کی شوٹنگ میں مصروف ہیں

اتوار 13 مارچ 2016 11:08

میں 15 سال کا تھا جب کرینہ نے پہلی فلم کی‘ارجن کپور

ممبئی (اُردو پوائنٹ اخبارتازہ ترین - این این آئی۔13 مارچ۔2016ء) بالی ووڈ اداکار ارجن کپور کا کہنا ہے کہ ان کی ساتھی اداکارہ کرینہ کپور خان نے بولی وڈ میں جب اپنی پہلی فلم کی تھی تو وہ صرف 15 سال کے تھے اور آج وہ فلم میں ان کے شوہر کا کردار ادا کر رہے ہیں۔واضح رہے کہ 35 سالہ کرینہ کپور اور 30 سالہ ارجن کپور اپنی آنے والی فلم ’کی اینڈ کا‘ کی شوٹنگ میں مصروف ہیں۔

اس فلم میں ارجن کپور ایک گھریلو شوہر جبکہ کرینہ ایک بزنس ویمن کے روپ میں نظر آئیں گی۔ رپورٹ کے مطابق ایک انٹرویو کے دوران ارجن کا کہنا تھا کہ کرینہ کپور سے ان کی دوستی کی وجہ سے وہ اس فلم میں ایک شادی شدہ جوڑے کے طور پر اچھے نظر آئے۔ارجن کے مطابق ’آپ کو ایک ایسے اداکار کی ضرورت ہے جس کے ہمراہ آپ آسانی سے کام کرسکیں کیوں کہ اسکرین پر بھی آپ کی شادی اصل لگنی چاہیے۔

(جاری ہے)

ارجن کا مزید کہنا تھا کہ فلم میں ویسے ہی ہماری شادی کو نہایت عجیب انداز میں پیش کیا گیا ہے تو ہماری کوشش یہی تھی کہ سب کچھ اصل لگے۔یہ اب تک واضح نہیں ہوا کہ کیا اصل زندگی کی طرح فلم میں بھی کرینہ، ارجن سے عمر میں بڑی نظر آئیں گی۔ارجن کا مزید کہنا تھا ’میں 15 سال کا تھا جب کرینہ کپور نے بولی وڈ میں فلم ’ریفیوجی‘ کے ساتھ ڈیبیو کیا تھا، میں دسویں جماعت میں تھا، میں کرینہ کو تب سے جانتا ہوں اور وہ آج بھی بالکل تبدیل نہیں ہوئیں۔

کرینہ کے حوالے سے ارجن کا مزید کہنا تھا کہ وہ ایک بہترین اداکارہ ہیں اور ایک ہی اسکرین پر ان کے برابر نظر آنا ان کے لیے بہت بڑی بات ہے۔مزاحیہ اور رومانوی کہانی پر مبنی فلم ’کی اینڈ کا‘ میں معروف اداکار امیتابھ بچن اور جیا بچن بھی مختصر کردار کرتے نظر آئیں گے۔آر بالکی کی ہدایت میں بننے والی یہ فلم رواں سال یکم اپریل کو سنیما گھروں میں نمائش کے لیے پیش کی جائے گی۔

متعلقہ عنوان :