ہندو نظریاتی تنظیم آر ایس ایس کاخاکی رنگ کی نیکر کی جگہ بھورے رنگ کی پتلون کو وردی کا حصہ بنانے کا فیصلہ

اتوار 13 مارچ 2016 20:04

نئی دہلی(اُردو پوائنٹ اخبارتازہ ترین - آئی این پی۔ 13مارچ۔2016ء)بھارت میں ہندو نظریاتی تنظیم آر ایس ایس نے اپنی وردی میں تبدیلی کرتے ہوئے خاکی رنگ کی نیکر کی جگہ بھورے رنگ کی پتلون کو وردی کا حصہ بنانے کا فیصلہ کرلیا۔بھارتی میڈیا کے مطابق اس بات کا اعلان راجستھان کے ناگور میں آر ایس ایس کی آل انڈیا یونین ایوان نمائندگان کے اجلاس کے بعد جنرل سیکریٹری بھیاجی جوشی نے ایک پریس کانفرنس میں کیا۔

انھوں نے کہا کہ ہماری تنظیم وقت کے ساتھ تبدیل ہوتی ہے۔بھیاجی جوشی کا کہنا تھا کہ کوئی بھی تنظیم اتنی ترقی نہیں کر سکتی جتنی ہم نے کی ہے، اس لیے ہم نے اس تبدیلی کا اعلان کیا ہے۔ساتھ ہی انھوں نے کہا کہ گذشتہ تین سالوں میں تنظیم نے کافی ترقی کی ہے اور نوجوانوں کے درمیان اپنی جگہ بنائی ہے۔

(جاری ہے)

جے این یو میں مبینہ طور پر لگنے والیمبینہ ملک دشمن نعروں کے بارے میں ان کا کہنا تھا کہ ملک دشمن نعرے ملک کے کسی بھی حصے میں لگیں گے تو اس کے خلاف کارروائی تو کرنی پڑے گی۔

بھیاجی جوشی نے مزید کہا کہ چاہے ملک کی کوئی بھی حکومت ہو اس طرح سے ملک کے ٹکڑے ٹکڑے کرنے والوں کو کوئی بھی برداشت نہیں کر سکتا۔انھوں نے سوال کیا کہ یہ ایک سنجیدہ موضوع ہے اور ایسی ذہنیت کو کیا سمجھا جائے۔کانگریسی رہنما غلام نبی آزاد کی آر ایس ایس کے مقابلے اسلامک سٹیٹ والے بیان پر بھی بھیاجی جوشی نے شدید تنقید کی۔انھوں نے کہا کہ غلام نبی آزاد نے ہمارے بارے میں جو بھی کہا اس سے ان کی جہالت جھلکتی ہے۔

Facebook Twitter Google + Share on Whatsapp

ہندو نظریاتی تنظیم آر ایس ایس کاخاکی رنگ کی نیکر کی جگہ بھورے رنگ کی پتلون کو وردی کا حصہ بنانے کا فیصلہ

مزید بین الاقوامی خبریں