القاعدہ کے مبینہ رکن ڈاکٹر عثمان کے خلاف کراچی کی انسداد دہشتگردی عدالت میں چالان پیش

میاں محمد ندیم پیر 14 مارچ 2016 13:49

کراچی(ا ردو پوائنٹ اخبارتازہ ترین-انٹرنیشنل پریس ایجنسی۔14مارچ۔2016ء) تھانہ پریڈی پولیس نے القاعدہ کے مبینہ رکن ڈاکٹر عثمان کے خلاف کراچی کی انسداد دہشتگردی عدالت میں چالان پیش کردیا۔انسداد دہشتگردی عدالت کے منتظم جج نے چالان منظورکرتے ہوئے متعلقہ عدالت کو بھجوادیا۔

(جاری ہے)

ڈاکٹر عثمان کے خلاف پیش کیے گئے چالان کے مطابق ملزم ڈاکٹر عثمان کراچی میں شہریوں سے دہشتگرد تنظیم کے نام پر بھتاوصول کرتاتھا اور بھتے کی رقم بین الاقوامی دہشتگرد تنظیموں کو بھیجا کرتا تھا۔ملزم اپنے دیگر ساتھیوں کے ساتھ مل معصوم شہریوں کی ذہن سازی بھی کرتا تھا۔چالان کے مطابق ملزم کو مقابلے کے بعد گرفتار کر کےا سلحہ، بھتے کی رقم اور دیگر غیر قانونی مواد بھی برآمد کیاگیا۔