سندھ ہائی کورٹ نے متحدہ قومی موومنٹ (ایم کیو ایم) کے کارکن کی گمشدگی کا مقدمہ رینجرز کے خلاف درج کرنے کا حکم دے دیا
میاں محمد ندیم پیر 14 مارچ 2016 16:58
کراچی(ا ردو پوائنٹ اخبارتازہ ترین-انٹرنیشنل پریس ایجنسی۔14مارچ۔2016ء) سندھ ہائی کورٹ نے متحدہ قومی موومنٹ (ایم کیو ایم) کے کارکن کی گمشدگی کا مقدمہ رینجرز کے خلاف درج کرنے کا حکم دے دیا۔درخواست گزار نگہت وسیم نے عدالت میں موقف اختیار کیا کہ ان کے شوہر وسیم کو یکم ستمبر 2015 کو رینجرز اہلکاروں نے حراست میں لیا جو بعد میں لاپتہ ہو گئے، جبکہ ان کی گرفتاری بھی ظاہر نہیں کی گئی۔
عدالت کے دو رکنی بینچ نے پولیس کو نامعلوم رینجرز اہلکاروں کے خلاف مقدمہ درج کرنے کا حکم دیتے ہوئے کیس کی سماعت 4 اپریل تک ملتوی کردی۔دوسری جانب عدالت نے آئندہ سماعت پر کیس کے حوالے سندھ حکومت سے بھی جواب طلب کیا ہے۔واضح رہے کہ وسیم، متحدہ قومی موومنٹ (ایم کیو ایم) کے پی آئی بی کالونی سیکٹر کا کارکن تھا۔(جاری ہے)
ہائی کورٹ کے دو رکنی بینچ نے ایم کیو ایم کے ہی کارکن کاشف عرف ڈیوڈ کی گمشدگی کے حوالے سے دائر درخواست پر بھی رینجرز کو نوٹس جاری کردیا۔
کاشف کی اہلیہ راحیلہ نے اپنی درخواست میں دعویٰ کیا کہ ان کے شوہر کو 2005 میں دبئی سے گرفتار کرکے پاکستان لایا گیا۔انہوں نے کہا کہ رینجرز کے ترجمان نے 8 فروری 2016 کو میڈیا کے سامنے کاشف کی گرفتاری بھی ظاہر کی، لیکن ان کے شوہر کو کبھی عدالت میں پیش نہیں کیا گیا اور نہ ہی اہلخانہ سے ملنے کی اجازت دی گئی۔عدالت نے رینجرز سے اس درخواست پر جواب طلب کرتے ہوئے کیس کی سماعت 18 اپریل تک ملتوی کردی۔واضح رہے کہ ایم کیو ایم رینجرز اور دیگر قانون نافذ کرنے والے اداروں پر کئی بار الزام لگا چکی ہے کہ ستمبر 2014 میں کراچی آپریشن شروع ہونے کے بعد اس کے کئی کارکنوں کو غیر قانونی طور پر گرفتار اور ہلاک کیا جاچکا ہے۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.