راجہ اشفاق سرور نے پنجاب ورکرویلفیئر بورڈہائر سیکنڈری اسکول میں نیسلے ہیلدی کڈز روم کا افتتاح کر دیا
پاکستان کو شدید غذائی قلت کے مسئلے کا سامنا ہے ،ورکرز کے بچوں میں یہ مسئلہ زیادہ واضح ہے‘صوبائی وزیر محنت کی گفتگو
پیر 14 مارچ 2016 17:32
لاہور ( اُردو پوائنٹ اخبارتازہ ترین - این این آئی۔14 مارچ۔2016ء) صوبائی وزیر برائے محنت و افرادی قوت راجہ اشفاق سرور اور نیسلے پاکستان کے منیجنگ ڈائرکٹر برونو اولیرہوک نے نشتر ٹاؤن میں قائم پنجاب ورکرویلفیئر بورڈہائر سیکنڈری اسکول میں نیسلے ہیلدی کڈز روم کا افتتاح کر دیا ۔ اس موقع پر راجہ اشفاق سرور نے کہا کہ پاکستان کو شدید غذائی قلت کے مسئلے کا سامنا ہے اور اب تک یہ دیکھا گیا ہے کہ ورکرز کے بچوں میں یہ مسئلہ زیادہ واضح ہے۔
نیسلے کا ہیلدی کڈز پروگرام اُس غذا کے مقابلے میں جو بچے پہلے ہی کھا رہے ہیں صحت مند غذا کی اہمیت کے بارے میں والدین، اساتذہ اور طلباء میں آگاہی پیدا کرے گا۔ مجھے یہ موقع ملا ہے کہ میں اس ضمن میں نیسلے پاکستان سے ان کے اس مشن میں بھر پور تعاون کروں۔(جاری ہے)
نیسلے پاکستان کے منیجنگ ڈائرکٹر برونو اولیرہوک نے کہا کہ غذائیت، صحت اور فلاح کی کمپنی کے طور پر ، نیسلے پاکستانی بچوں میں کھانے پینے کی صحت مند عادتوں کو فروغ دینے پر خوش ہے۔
نیسلے ہیلدی کڈز پروگرام مختلف الجہتی پارٹنر شپ کے نقطہء نظر پر مبنی ہے اوراس پروگرام کے تحت PWWB ہائر سیکنڈری اسکولوں سے تعاون ہمیں اس خطے میں یقیناً مزید بچوں تک رسائی میں معاون ہوگا۔“ انہوں نے کہا کہ اس بات کو ذہن میں رکھتے ہوئے کہ (نیشنل نیوٹریشن سروے 2011 ء کے مطابق) پاکستانی بچوں پر غذائی قلت کا دگنا بوجھ پڑتا ہے۔ ’نیسلے ہیلدی کڈز پروگرام‘ نیسلے پاکستان کی جانب سے تیار کیا گیا ہے، اور اب یہ ایک ملک گیر پروگرام ہے جس کا آغاز 2010 ء میں مقامی طور پر کیا گیا تھا۔ اس پروگرام کے تحت 6 سے 16 سال کی عمر کے اسکول جانے والے بچوں کے لئے غذائیت کی اہمیت پر مبنی دو کتابوں کو منصوبے کے نصاب کا حصہ بنایا گیا ہے۔ نیسلے پاکستان اور پنجاب ورکرز ویلفیئر بورڈ کے مابین شراکت کے تحت نیسلے پاکستان اساتذہ کی تربیت میں اہم کردار ادا کررہا ہے اور نیسلے ہیلدی کڈز کی کتابیں اور متعلقہ مواد مفت فراہم کر رہا ہے۔ نیسلے ہیلدی کڈز پروگرام کے دو کمرے پہلے ہی لاہور اور ملتان میں مکمل کر لئے گئے ہیں۔ مذکورہ پروگرام کے پہلے فیز میں ملتان اور لاہور میں 50 اساتذہ اور 7,000 بچوں کو صحت مند غذائیت اور صحت کی تعلیم و تربیت فراہم کی جائے گی۔ 2017 ء سے یہ پروگرام پنجاب ورکرز ویلفیئر بورڈ کے تمام اسکولوں میں لاگو کردیا جائے گا۔مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.