وزارت منصوبہ بندی و ترقیات ڈویژن نے کابینہ ڈویژن کے ترقیاتی کاموں کے لئے 50 کروڑ روپے کے فنڈز جاری کر دیئے

منگل 15 مارچ 2016 11:41

اسلام آباد ۔ 15 مارچ (اُردو پوائنٹ اخبارتازہ ترین - اے پی پی۔15 مارچ۔2016ء) وزارت منصوبہ بندی و ترقیات ڈویژن نے سرکاری شعبہ کے ترقیاتی کاموں میں کابینہ ڈویژن کے ترقیاتی کاموں کے لئے مجموعی طور پر 50 کروڑ روپے سے زائد کے فنڈز جاری کر دیئے ہیں۔

(جاری ہے)

حکومت نے رواں مالی سال میں اس ڈویژن کے ترقیاتی کاموں کے لئے 65 کروڑ 41 لاکھ روپے کے فنڈز مختص کئے ہیں۔ پلاننگ کمیشن کے جاری کردہ اعداد و شمار کے مطابق حکومت نے اسلام آباد میں فیملی سوٹس کی تعمیر کے لئے 30 کروڑ، 6 ایوی ایشن سکوارڈن ریلیف کے لئے 11 کروڑ 69 لاکھ، نیشنل آرکائیوز پاکستان کے لئے 70 لاکھ روپے سمیت مختلف ترقیاتی منصوبوں کے لئے فنڈز جاری کر دیئے۔