اورنج لائن منصوبہ پاک چین اقتصادی راہداری منصوبے کا حصہ نہیں،وفاقی حکومت صرف این او سی جاری کرے گی،کوئی صوبہ وفاق کی مرضی کے بغیر بیرونی فنڈنگ نہیں لے سکتا ، 4500 میگاواٹ کے داسو ڈیم سمیت مغربی روٹ پر بھی منصوبے لگ رہے ہیں، وفاقی وزیر برائے منصوبہ بندی و اصلاحات احسن اقبال کی سینیٹ کی قائمہ کمیٹی برائے منصوبہ بندی کو بریفنگ
منگل 15 مارچ 2016 20:29
اسلام آباد ( اُردو پوائنٹ اخبارتازہ ترین - آئی این پی۔15 مارچ۔2016ء ) سینیٹ کی قائمہ کمیٹی برائے منصوبہ بندی کو آگا ہ کیا ہے کہ لاہور اورنج لائن منصوبہ پاک چین اقتصادی راہداری منصوبے کا حصہ نہیں،وفاقی حکومت صرف این او سی جاری کرے گی،کوئی صوبہ وفاق کی مرضی کے بغیر بیرونی فنڈنگ نہیں لے سکتا،اورنج لائن منصوبے میں وفاقی حکومت کا ایک پیسہ بھی نہیں لگے گا،راہداری منصوبے کے تحت 35 ارب ڈالر کی سرمایہ کاری نجی شعبہ کرے گا ،باقی گیارہ ارب ڈالر میں چینی گرانٹ اور رعائتی قرضہ شامل ہے، 4500 میگاواٹ کے داسو ڈیم سمیت مغربی روٹ پر بھی منصوبے لگ رہے ہیں۔
منگل کوسینیٹ کی قائمہ کمیٹی برائے منصوبہ بندی کے اجلاس سینیٹر طاہرحسین مشہدی کی زیر صدارت ہوا اجلاس میں پاک چین اقتصادی راہداری منصوبے پر پیش رفت کا جائزہ لیا گیا۔(جاری ہے)
وفاقی وزیر برائے منصوبہ بندی و اصلاحات احسن اقبال نے کہا کہ کوئی صوبہ وفاق کی مرضی کے بغیر بیرونی فنڈنگ نہیں لے سکتا۔ اورنج لائن منصوبے میں وفاقی حکومت کا ایک پیسہ نہیں لگے گا۔
وفاقی صرف این او سی جاری کرے گا۔ راہداری منصوبے کے تحت 35 ارب ڈالر کی سرمایہ کاری نجی شعبہ کرے گا اور توانائی کے شعبے میں آئی پی پیز کی طرز پر منصوبے لگائے جائیں گے۔ باقی گیارہ ارب ڈالر میں چینی گرانٹ اور رعائتی قرضہ شامل ہے۔ سینیٹر سلیم مانڈوی والا نے کہا کہ حکومت ایک طرف اداروں کی نجکاری کر رہی ہے جبکہ دوسری طرف سبسڈی کی بنیاد پر منصوبے شروع کیئے جا رہے ہیں۔ طاہر مشہدی نے کہا کہ راہداری گیم چینجر ہے تاہم ارکان پارلیمنٹ کو سوال اٹھانے کا حق حاصل ہے۔ بلوچستان کے سینٹرز نے صوبے میں بجلی منصوبے نہ لگانے پر تحفظات کا اظہار کیا۔ سیف اﷲ مگسی نے کہا کہ لگتا ہے کہ ہم صوبہ نہیں بلکہ پاکستان کی کالونی ہیں۔ احسن اقبال نے کہا کہ 4500 میگاواٹ کے داسو ڈیم سمیت مغربی روٹ پر بھی منصوبے لگ رہے ہیں۔متعلقہ عنوان :
مزید اہم خبریں
-
ہم سب کو کسی سے سیاسی انتقام نہ لینے کا عزم کرنا چاہیے، متحد ہوکرملک کو درپیش بھنور سے نکالا جا سکتا ہے، سینیٹراسحٰق ڈار
-
سپیکر قومی اسمبلی سردارایازصادق کی زیر صدارت قومی اسمبلی کی قائمہ کمیٹیوں کی تشکیل کے حوالے سے اجلاس
-
بانی پی ٹی آئی ، پرویزالٰہی ، علی نوازاعوان و دیگرکے خلاف جوڈیشل کمپلیکس توڑپھوڑ کیس کی سماعت
-
مہنگائی کے بوجھ تلے دب جانے والی عوام پر گرمیوں کے آغاز میں ایک اور بجلی بم گرانے کی تیاریاں
-
صدرمملکت سے پاکستان میں آسٹریلیا کے ہائی کمشنرنیل ہاکنز کی ملاقات
-
حکومت کسانوں سے کتنی گندم خریدے گی ابھی اعدادوشمار نہیں بتا سکتا
-
کیا یورپی یونین جاسوسی کے مسئلے سے نمٹنے کے لیے تیار ہے؟
-
سڈنی چرچ واقعہ، پانچ نوجوان دہشت گردی کے الزام میں گرفتار
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.